Боцікі шарсцістагубыя

Боцікі шарсцістагубыя^[1], Мышабой^[2] (Aconitum lasiostomum) — кветкавая расліна роду Боцікі (Aconitum) сямейства Казяльцовыя (Ranunculaceae).

Боцікі шарсцістагубыя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Казяльцовакветныя Сямейства:  Казяльцовыя Падсямейства:  Казяльцовыя Трыба:  Delphinieae Род:  Боцікі Від:  Боцікі шарсцістагубыя
Міжнародная навуковая назва
Aconitum lasiostomum Rchb. ex Besser, 1821
Сінонімы
Aconitum besserianum Andrz. ex Trautv. Aconitum lycoctonum subsp. lasiostomum (Spreng.) Warncke Aconitum lycoctonum var. pallidum (Rchb.) Regel Aconitum pallidum Rchb.
Сістэматыка на Віківідах Выявы на Вікісховішчы NCBI   147270 EOL   5520008 IPNI   707517 TPL   kew-2618961

Гэты від занесены ў Чырвоную кнігу Беларусі і ахоўваецца законам.  I катэгорыя (CR)

Батанічнае апісанне

Шматгадовая травяністая расліна з прамым сцяблом вышынёй да 1,5 м і 3—5-далонепадобна рассечаным чаргаваным лісцем. Долі ліста шырокія клінападобныя, разыходныя. Ніжняе лісце (2—4) на доўгіх голых ці апушаных чаранках, верхняе — кароткачаранковае або сядзячае. Суквецце — густая гронка даўжынёй 20—30 см з жаўтаватых кветак. Шлём пакрыты кароткімі кучаравымі валаскамі. Сярэднія долі калякветніка барадатыя. Плод — шматнасенная, апушаная лістоўка.

Арэал і экалогія

Распаўсюджаны ў стэпавай і лесастэпавай зонах Усходняй Еўропы. На тэрыторыі Беларусі знаходзіцца ў асобных лакалітэтах за паўночна-заходняй мяжой арэала. Месцы росту: берагі рэк, парослыя хмызняком. Расце невялікімі групамі або адзінкавымі экзэмплярамі.

Цвіце ў чэрвені—жніўні, пладаносіць у жніўні—верасні. Размнажэнне насеннае і вегетатыўнае.

Таксанамія

Від Боцікі шарсцістагубыя ўваходзяць у род Боцікі (Aconitum) трыбы Delphinieae падсямейства Ranunculoideae сямейства Казяльцовыя (Ranunculaceae) парадку Казяльцовакветныя (Ranunculales).

яшчэ чатыры падсямействы (па Сістэме APG II)

яшчэ 2 роды

сямейства Казяльцовыя

трыба Delphinieae

від Боцікі шарсцістагубыя

парадак Казяльцовакветныя

падсямейства Ranunculoideae

род Боцікі

яшчэ дзесяць сямействаў (па Сістэме APG II)

яшчэ восем трыб (па Сістэме APG II)

яшчэ ад 250 да 300 відаў

Значэнне

Дэкаратыўная і ядавітая расліна^[3].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 8. — 160 с. — 2 350 экз.
2. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. — Горы-Горки, 1927
3. Сергей Бесараб Ядовитые декоративные растения в саду и огороде. Справочник // Хабр — habr.com, 23 ліпеня 2021, 14:58