Браніслава Адольфаўна Манак

Браніслава Адольфаўна Манак (Азаркевіч; 21 студзеня 1939, в. Сурціны, Дзяржынскі раён, Мінская вобласць, БССР — 26 кастрычніка 2023) — географ, кандыдат геаграфічных навук (1971), дацэнт (1976).

Браніслава Адольфаўна Манак
Дата нараджэння	21 студзеня 1939(1939-01-21)
Месца нараджэння	Сурціны, Путчынскі сельсавет, Заслаўскі раён, Менская вобласць, Беларуская ССР, СССР
Дата смерці	26 кастрычніка 2023(2023-10-26)[1] (84 гады)
Род дзейнасці	географ, дэмограф
Месца працы	геаграфічны факультэт БДУ
Навуковая ступень	кандыдат геаграфічных навук[1] (1971)
Навуковае званне	дацэнт[1]
Альма-матар	геаграфічны факультэт БДУ БДУ (1960)[1]

У Вікіпедыі ёсць артыкулы пра іншых людзей з прозвішчам Манак.

Біяграфія

Пачатковую адукацыю атрымала ў вёсцы Ляоны, школа якой была пабудавана ў першы год пасля вайны. З пятага класа вучылася ў Валмянскай школе, якую скончыла ў 1955 годзе. У тым жа годзе паступіла ў БДУ на геаграфічны факультэт, які з адзнакай скончыла ў 1960 годзе^[2].

Была прынята ў аспірантуру, дасягнула вучонай стэпені кандыдата геаграфічных навук у 1971 г. і ў 1976 г. звання дацэнта. Даследчык у галіне геаграфіі насельніцтва Беларусі. Апублікавала больш за 100 навуковых прац, сярод якіх манаграфіі. Распрацавала і на працягу многіх гадоў выкладала курс «Геаграфія насельніцтва Беларусі». Унесла асабісты ўклад у распрацоўку методыкі навуковых даследаванняў у галіне сацыяльна-эканамічнай геаграфіі, напісала шэраг вучэбна-метадычных распрацовак і вучэбны дапаможнік для ВНУ.

Творы

• Региональные особенности проблем народонаселения (по материалам Витебской области): Автореф. дис. на соиск. учен. степ. канд. геогр. наук: (691) /Бел. гос. ун-т им. В. И. Ленина, Геогр. фак., Каф. экон. географии зарубеж. стран/. Минск, 1971. 28 с.
• Социально-географические аспекты формирования и использования кадров в сельском хозяйстве БССР. Минск, 1982.
• Насельніцтва Беларусі: Рэгіянальныя асаблівасці развіцця і рассялення. — Мінск, 1992. 176 с.
• Трудоресурсный потенциал Беларуси: методика экономико-географической оценки и общий обзор современной ситуации. Учеб.-метод. пособие для студентов специальности Н.05.01.00 «География». Минск, 1996. 44 с.
• Насельніцтва і працоўны патэнцыял Рэспублікі Беларусь: Вучэбны дапаможнік для студэнтаў спецыяльнасці Н.05.01.00 — «Геаграфія». Мінск, 1998. 66 с.
• Экономико-географический анализ демографической ситуации и размещения населения на территории Республики Беларусь. Минск, 1999. 291 с.
• Демогеографические потери и современные трудоресурсные возможности сельской местности Беларуси / Б. А. Манак, Е. А. Антипова. — Минск, 2002. 224 с.