Бродаўскі сельсавет

Бро́даўскі сельсавет — былая адміністрацыйна-тэрытарыяльная адзінка ў складзе Барысаўскага раёна Мінскай вобласці. Цэнтр — вёска Бродаўка.

Бродаўскі сельсавет
Краіна	Беларусь
Уваходзіць у	Барысаўскі раён
Уключае	14 населеных пунктаў
Адміністрацыйны цэнтр	Бродаўка
Дата ўтварэння	20 жніўня 1924, 8 красавіка 1957
Дата скасавання	16 ліпеня 1954, 30 кастрычніка 2009
Насельніцтва (2009)	818
Часавы пояс	UTC+03:00
Паштовыя індэксы	222143
Код аўтам. нумароў	5

Гісторыя

Утвораны 20 жніўня 1924 года ў складзе Барысаўскага раёна Барысаўскай акругі БССР. З 9 чэрвеня 1927 года ў складзе Менскай акругі. Пасля скасавання акруговай сістэмы 26 ліпеня 1930 года ў Барысаўскім раёне БССР. З 20 лютага 1938 года ў складзе Мінскай вобласці. 16 ліпеня 1954 года скасаваны, тэрыторыя далучана да Жыцькаўскага сельсавета^[1].

8 красавіка 1957 года цэнтр Жыцькаўскага сельсавета перанесены ў вёску Бродаўка, сельсавет перайменаваны ў Бродаўскі^[2]. 17 жніўня 1963 года ў склад сельсавета з Неманіцкага сельсавета перададзены 3 населеныя пункты (Кастрыца, Міхайлова II і Судоль)^[3]. 30 кастрычніка 2009 года скасаваны, тэрыторыя далучана да Зачысцкага (2 населеныя пункты: Кастрыца і Міхайлова), Маісееўшчынскага (3 населеныя пункты: Паўлаўцы, Сокалы і Старое Янчына), Прыгараднага (9 населеных пунктаў: Бродаўка, Дразы, Мядзведзеўка, Плітчанка, Поўпрышчы, Ракаўцы, Старынкі, Судоль і Юзафова) сельсаветаў^[4].

Насельніцтва

Насельніцтва сельсавета паводле перапісу 2009 года складала 818 чалавек^[5], з іх 92,7 % — беларусы, 4,9 % — рускія, 1,1 % — украінцы^[6].

Населеныя пункты

1 студзеня 1947 года — 14 30 кастрычніка 2009 года — 14

Зноскі

1. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Мінскага абласнога Савета дэпутатаў працоўных ад 8 красавіка 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
3. Рашэнне выканкома Мінскага абласнога (сельскага) Савета дэпутатаў працоўных ад 17 жніўня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 34 (1034).
4. Решение Минского областного Совета депутатов от 30 октября 2009 г. № 219 Об изменении административно-территориального устройства Минской области Архівавана 28 чэрвеня 2021.
5. Насельніцтва населеных пунктаў Мінскай вобласці Беларусі паводле перапісу 2009 года Архівавана 29 чэрвеня 2015. (руск.)
6. Этнічны склад насельніцтва сельсаветаў Беларусі паводле перапісу 2009 года (руск.)