Бронзаўкі

Бронзаўкі (Cetoniinae) — падсямейства жукоў з сямейства пласцініставусых.

Бронзаўкі
Бронзаўка залацістая (Cetonia aurata)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Scarabaeiformia Надсямейства:  Scarabaeoidea Сямейства:  Пласцініставусыя Падсямейства:  Бронзаўкі
Міжнародная навуковая назва
Cetoniinae Leach, 1815
Тыпавы род
Cetonia
Трыбы:
Cetoniini Cremastocheilini Diplognathini Goliathini Gymnetini Phaedimini Schizorhinini Stenotarsiini Taenioderini Trichiini (спрэчна) Valgini (спрэчна) Xiphoscelidini
Сістэматыка на Віківідах Выявы на Вікісховішчы ITIS   678511 NCBI   7056 FW   346385

Апісанне

Даўжыня 0,8—11 см. Колер яркі: зялёныя, медна-чырвоныя, фіялетавыя, з металічным бляскам. У некаторых на галаве рогі. Крылы ў час палёту выпростваюцца праз выемкі ў надкрылах.

Пашырэнне

Налічваецца каля 2700 відаў. Пашыраны пераважна ў тропіках. На Беларусі часцей трапляецца бронзаўка залацістая (Cetonia aurata); бронзаўка вялікая зялёная (Protaetia speciosissima) і бронзаўка мармуровая (Liocola marmorata). Рэдкія, занесены ў Чырвоную кнігу Беларусі.

Асаблівасці біялогіі

Лятаюць у маі—верасні. Лічынкі С-падобныя, жывуць у трухлявай драўніне, дуплах, пнях, глебе, мурашніках, норах грызуноў. Жукі кормяцца бутонамі, кветкамі, маладымі, пладамі і лісцем пладовых, тэхнічных і дэкаратыўных раслін. Зімуюць лічынкі і жукі. За год адно пакаленне.

Бронзаўкі — прамежкавыя гаспадары скрэбня-гіганта (Macracanthorhynchus hirudinaceus), паразіта чалавека і жывёл.

Гл. таксама

• Goliathus

Літаратура

• Бронзаўкі // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).