Будзьма! Тузін. Перазагрузка-2

Будзьма! Тузін. Перазагрузка-2 – альбом-складанка 12 беларускіх і замежных гуртоў і сольных выканаўцаў, якія пяюць на англійскай, рускай, украінскай мовах, якія зрабілі каверы на свае песні на беларускай мове^[1]. Кампакт-дыск выдадзены грамадскай кампаніяй Будзьма беларусамі! сумесна з музычным парталам Тузін Гітоў у снежні 2011 года^[2]. Ідэя Сяргея Будкіна^[3][4]. Імпрэза складанкі з удзелам Алега Скрыпкі прайшла 15 снежня 2011 года ў мінскім клубе «Loft»^[5].

Будзьма! Тузін. Перазагрузка-2
Альбом-складанка розныя выканаўцы[d]
Дата выпуску	15 снежня 2011
Запісаны	2011
Жанр	поп-рок
Працягласць	49:51
Прадзюсар	Алесь Кот-Зайцаў, Сяргей Будкін
Мова песень	беларуская
Лэйбл	Будзьма беларусамі!, Тузін Гітоў
Храналогія розныя выканаўцы[d]
Тузін. Перазагрузка (2009) Будзьма! Тузін. Перазагрузка-2

Спіс кампазыцый

№	Назва	Словы	Музыка	Оригинал	Працягласць
1.	«бел.: Краіна мрой» (Воплі Відоплясова)	Андрэй Хадановіч	Алег Скрыпка	укр.: Країна мрій	4:51
2.	«бел.: Дзень без чар тваіх» (Алег “Jagger” Мінакоў)	Сяргей Балахонаў	Алег “Jagger” Мінакоў	англ.: Day Without Your Love	3:56
3.	«бел.: Кантрабанды» (Мумій Троль  (руск.))	Андрэй Хадановіч	Ілля Лагуценка  (руск.)	руск.: Контрабанды	4:00
4.	«бел.: Апошняе сонца» (Dreamgale)	Dreamgale	Dreamgale	–[A]	4:23
5.	«бел.: Дождж» (5diez)	Сяргей Балахонаў	5diez	руск.: Дождь	4:46
6.	«бел.: Зрывае дах» (Макс Лоренс  (руск.))	Глеб Лабадзенка	Макс Лоренс  (руск.)	руск.: Схожу с ума	4:01
7.	«бел.: Сонейка» (Марыя Тарасевіч  (бел. (тар.)))	Уладзімір Лянкевіч	Марыя Тарасевіч  (бел. (тар.))	руск.: Солнышко	3:29
8.	«бел.: Небасхіл Еўропы» (Аляксандр Рыбак)	Глеб Лабадзенка	Аляксандр Рыбак	англ.: Europe's Skies	3:42
9.	«бел.: Апошні дзень Зямлі» (Смыславыя галюцынацыі  (руск.))	Уладзімір Лянкевіч	Сяргей “Буба” Бабунец  (руск.)	руск.: Последний день Земли	3:30
10.	«бел.: Акіян у цішы» (Leon Gurvitch Project  (ням.))	Алесь Камоцкі	Leon Gurvitch Project  (ням.)	англ.: Infinite Ocean	6:51
11.	«бел.: Стоп-мафія» (Zdob și Zdub)	Сяргей Балахонаў	Міхай Гынку	руск.: Стоп, мафия!	2:52
12.	«бел.: Пакуль» (Алена Свірыдава  (руск.))	Андрэй Хадановіч	Алена Свірыдава  (руск.)	руск.: Пока	3:22

Прыём крытыкаў

Тацяна Заміроўская ў рэцэнзіі на «цудоўны праект сайта Тузін Гітоў і кампаніі Будзьма беларусамі!» для часопіса «Большой» вывела, што «дыск выйшаў някепскім»^[6][7]. Ілля Маліноўскі на хвалях Еўрапейскага радыё для Беларусі адзначыў, што гэта «рэальна якасная музыка ад сапраўдных прафесіяналаў у любых напрамках»^[8][9].

На цырымоніі Ultra-Music Awards  (руск.) 2011 CD быў названы пераможцам у катэгорыі «Праект года»^[10][11].

У 2018 годзе музычны партал Тузін Гітоў разам з Letapis.by уключыў песню «Краіна мрой» Воплей Відоплясова ў топ «60 беларускамоўных гітоў сучаснасці» (спіс найлепшых песень, выдадзеных з 1988 года)^[12].

У 2019 годзе Лёша Горбаш з 34mag уключыў праект у спіс самых значных падзей у беларускай музыцы за перыяд 2010–2019 гадоў^[13].

Заўвагі

1. Новы наўмысна напісаны для складанкі спеў.