Уладзімір Лянкевіч

У Вікіпедыі ёсць артыкулы пра іншых людзей з прозвішчам Лянкевіч.

Уладзь Лянкевіч, поўнае імя Уладзімір Лянкевіч (нар. 29 мая 1987, Мінск) — беларускі паэт і перакладчык, вакаліст, аўтар тэкстаў і музыка гуртоў «TonqiXod»^[1], «luty sakavik» і «Syndrom Samazvanca»^[2].

Уладзімір Лянкевіч
Уладзь Лянкевіч на ўручэнні Прэміі Цёткі 6 красавіка 2019 года
Асабістыя звесткі
Дата нараджэння	29 мая 1987(1987-05-29) (38 гадоў)
Месца нараджэння	Мінск, Беларуская ССР, СССР
Грамадзянства	Беларусь
Альма-матар	філалагічны факультэт БДУ Беларускі Калегіюм
Прафесійная дзейнасць
Род дзейнасці	музыкант, паэт, перакладчык
Мова твораў	беларуская
Прэміі	Дэбют

Біяграфія

Скончыў філалагічны факультэт Беларускага дзяржаўнага ўніверсітэта па спецыяльнасці «Беларуская філалогія» (2009), магістратуру (2010) і аспірантуру пры ім (2013). У 2005—2008 гадах быў навучэнцам Беларускага калегіюма па спецыяльнасці «Філасофія. Літаратура».

Член рэдакцыі інтэрнэт-часопіса перакладной літаратуры «ПрайдзіСвет». З 2014 года — куратар «Беларускага літаратурнага радыё» (Litradio)^[3]. Былы сябра і намеснік старшыні (2017—2019) Беларускага ПЭН-цэнтра^[4]. У 2020 годзе падчас пратэстных акцый двойчы затрыманы^[5]: першы раз быў у зняволенні 6 дзён, другі — 15 дзён^[6].

У шлюбе з перакладчыцай і рэдактаркай Аленай Пятровіч^[7].

Літаратурная творчасць

Аўтар паэтычнага зборніка «70% вады»^[8], за які ўзнагароджаны прэміяй «Дэбют» імя Максіма Багдановіча ў намінацыі «Паэзія» (2014)^[9]. Публікуецца ў калектыўных зборніках і часопісах, у тым ліку ў «Дзеяслове». Вершы Уладзіміра Лянкевіча перакладзены на ўкраінскую^[10], англійскую^[11],^[12], шведскую^[13], італьянскую^[14] і рускую^[15] мовы.

Перакладае паэзію і прозу з французскай, англійскай, польскай, украінскай і рускай моў. Сярод перакладаў з англійскай мовы на беларускую — казачная аповесць «Пітэр Пэн» Джэймса Мэцью Бары і паэзія Уільяма Блэйка, з польскай (разам з Аленай Пятровіч) — раман «Зімоўка» Дамінікі Словік^[16], з рускай — паэзія Уладзіміра Маякоўскага^[17]. На беларускую і рускую мовы таксама рабіў пераклады песняў вядомых выканаўцаў для музычнага праекта «Будзьма! Тузін. Перазагрузка-2».

Прызнанне

• Фіналіст конкурсаў Беларускага ПЭН-Цэнтра імя Франчэска Петраркі (2004), Карласа Шэрмана (2009), Чэслава Мілаша (2011).
• Лаўрэат прэміі «Дэбют» імя Максіма Багдановіча ў намінацыі «Паэзія» (2014).

Бібліяграфія

Паэзія

• Лянкевіч, У. 70 % вады: [вершы] / Уладзь Лянкевіч. Мінск: Кнігазбор, 2013. 52 с. ISBN 978-985-7089-19-2

Пераклады

• Бары, Дж. М. Пітэр Пэн: [казачная аповесць] / Джэймс Мэцью Бары; перакл. з англ. У. Лянкевіч; ілюстрацыі К. Дубовік. Мінск: Кнігазбор, 2017. 188 с. ISBN 978-985-7180-55-4
• Блэйк, У. Выбранае: пераклад з англійскай / Уільям Блэйк. Мінск: Зміцер Колас, 2019. 85 с. (Серыя «Паэты планеты»). ISBN 978-985-230046-9
• Маякоўскі, У. Паэзія / Уладзімір Маякоўскі; перакл. з руск. Р. Лынькоў, Т. Кляшторны, М. Багун, Р. Барадулін, А. Хадановіч, У. Лянкевіч, В. Рыжкоў). Мінск: Зміцер Колас, 2019. 104 с. (Серыя «Паэты планеты»). ISBN 978-985-23-0055-1
• Словік, Д. Зімоўка: [раман] / Дамініка Словік; пераклад з польскай Уладзіміра Лянкевіча, Алены Пятровіч. Мінск: А. М. Янушкевіч, 2021. 572 с. ISBN 978-985-7283-02-6

Укладанне і рэдагаванне

• Ханін, C. Уключаючы рэшту: [зборнік вершаў] / Сямён Ханін; рэд. У. Лянкевіч, А. Хадановіч. Вільнюс: Логвінаў, 2020. 101 с. ISBN 978-609-8213-92-8
• Казкі Рузалі Асьмак: запісаныя Адамам Багдановічам / [укладальнік А. Ф. Брыль; рэд. У. Лянкевіч]. Мінск: А. М. Янушкевіч, 2021. 70, [1] с. ISBN 978-985-7210-58-9

Музычная творчасць

Адзін з заснавальнікаў, вакаліст і музыка (гітара, бас, клавішы) гуртоў «TonqiXod», «luty sakavik» і «Syndrom Samazvanca». Уладзь Лянкевіч — аўтар усіх тэкстаў гэтых гуртоў, акрамя альбома «Radyjo Niamiha» (2023), у якім музыкі «Syndrom Samazvanca» пераспявалі класіку беларускага року 90-х гадоў^[18]. Гродзенскі гурт «Tłusta Łusta» запісаў песню «Modnaja Žančyna» на верш Лянкевіча^[19].

Дыскаграфія

TonqiXod

• Pradmova (2014)
• Kolier Jakoha Niama (2017)

luty sakavik

• Soram (2019)
• Bol Jon Moj (2020)

Syndrom Samazvanca

• Sonk (2022)
• Vostraŭ skarhaŭ (2023)
• Radyjo Niamiha (2023)
• Mahajba (2025)

Зноскі

1. Уладзь Лянкевіч як ляндшафтны дызайнэр беларускай прасторы (нявызн.). Tuzin.fm (14 лютага 2014). Архівавана з першакрыніцы 23 красавіка 2021. Праверана 6 снежня 2020.
2. Syndrom Samazvanca (нявызн.). bandcamp.com (2 жніўня 2025). Праверана 28 красавіка 2025.
3. Белорусское литературное радио обновило дизайн сайта (нявызн.). Наша Ніва (16 лютага 2015). Праверана 6 снежня 2020.
4. Адбыўся агульны сход Беларускага ПЭН-цэнтра (нявызн.). penbelarus.org (17 лістапада 2017). Праверана 30 красавіка 2025.
5. Задержан поэт Влад Ленкевич (нявызн.). Наша Ніва (6 снежня 2014). Праверана 6 снежня 2020.
6. Каляднае зацішша – час сабрацца з новымі сіламі, каб працягваць творчы супраціў. Выпуск 12 (нявызн.). penbelarus.org (29 снежня 2020). Праверана 30 снежня 2020.
7. Будзьма беларусамі!» Асцярожна, магчымае «Арэхападзенне» (нявызн.)(недаступная спасылка). budzma.org. Архівавана з першакрыніцы 12 лістапада 2021. Праверана 31 студзеня 2025.
8. Лянкевіч, У. 70 % вады: [вершы] (нявызн.). issuu.com. Праверана 30 красавіка 2025.
9. Премия «Дебют» (нявызн.). penbelarus.org. Архівавана з першакрыніцы 11 лютага 2019. Праверана 6 снежня 2020.
10. Вірші Уладзя Лянкєвіча в перекладах Лесика Панасюка (нявызн.). litcentr.in.ua. Праверана 30 красавіка 2025.
11. Prison Poems (нявызн.). penopp.org. Праверана 30 красавіка 2025.
12. From Fall 2020 Poems (нявызн.). online.fliphtml5.com. Праверана 30 красавіка 2025.
13. Fängelsedikter (нявызн.). penopp.org. Праверана 30 красавіка 2025.
14. Il mondo è finito e noi invece no. Antologia di poesia bielorussa del XXI secolo (нявызн.). iris.unica.it. Праверана 30 красавіка 2025.
15. Уладзь Лянкевич (нявызн.). textonly.ru. Праверана 30 красавіка 2025.
16. The Belarusian edition of Dominika Słowik’s «Zimowla» with the support of the Book Institute (нявызн.). booksfrompoland.pl. Праверана 30 красавіка 2025.
17. Маякоўскі, У. Паэзія (нявызн.). belbib.com. Праверана 30 красавіка 2025.
18. Гурт Syndrom Samazvanca пераспяваў Анемпадыстава, Аксёнцава, Глобуса і Сыса (нявызн.). bellit.info. Праверана 3 мая 2025.
19. Гурт Tłusta Łusta падрыхтаваў альбом-красовер (+песня) (нявызн.). experty.by. Праверана 3 мая 2025.