Булаваносец сіваваты

Булавано́сец сіваваты^[1], Булаваносец сівы^[2] (Corynephorus canescens) — від кветкавых раслін з роду Булаваносец (Corynephorus) сямейства Метлюжковыя (Poaceae).

Булаваносец сіваваты
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Род:  Булаваносец Від:  Булаваносец сіваваты
Міжнародная навуковая назва
Corynephorus canescens (L.) P.Beauv., 1753
Сінонімы
Aira breviculmisAira canescens Loisel. Aira trifloraAira canescens Willd. ex Steud. Aira variegata St.-Amans Avena canescens Weber Corynephorus incanescens Bubani Weingaertneria canescens (L.) Bernh. Aira canescens L.
Сістэматыка на Віківідах Выявы на Вікісховішчы ITIS   41599 NCBI   388701 EOL   1114857 GRIN   t:316638 IPNI   396681-1 TPL   kew-405825

Батанічнае апісанне

Суквецце.

Шматгадовая травяністая расліна шэра-зялёнага колеру, вышынё 15—35^[1] см. Утварае дзярнінку. Сцёблы шматлікія, прамыя, каленчата-прыўзнятыя ў ніжняй частцы. Лісце згорнутае шчацінкападобна, завостранае, цвёрдае, шурпатае, з гладкім краем, у прыкаранёвай разетцы. Похвы лісця светла-ружовага або цёмна-ружовага колеру. Суквецце — шчаціністая мяцёлка з нешматлікіх двухкветных каласкоў. Пыльнікі сіне-пурпуровага колеру, зрэдку — жоўтыя. Плод — сухая зярняўка.

Пашырэнне і экалогія

Еўрапейскі і Міжземнаморскі від. Расце на сухіх, бедных на пажыўныя рэчывы глебах. Добра пераносіць засуху. Сустракаецца на пясчаных дзюнах, абрывах, палянах хваёвых і бярозавых лясоў, каля дарог. Цвіце ў чэрвені—ліпені. Размнажаецца насеннем.

Гаспадарчае значэнне

Можа выкарыстоўвацца ў мэтах замацавання пясчаных глеб. Дэкаратыўная расліна.

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 41. — 160 с. — 2 350 экз.