Быстрая (прыток Проні)

У паняцця ёсць і іншыя значэнні, гл. Быстрая.

Бы́страя — рака ў Горацкім і Дрыбінскім раёнах Магілёўскай вобласці Беларусі, левы прыток ракі Проня (басейн Дняпра).

Быстрая
Характарыстыка
Даўжыня	46 км
Басейн	688 км²
Расход вады	4,3 м³/с
Вадацёк
Выток
• Месцазнаходжанне	за 5 км на ўсход ад вёскі Быстрая
• Каардынаты	54°14′38,30″ пн. ш. 31°20′36,80″ у. д.HGЯO
Вусце	Проня
• Месцазнаходжанне	каля гарадскога пасёлка Дрыбін
• Каардынаты	54°07′53,70″ пн. ш. 31°04′13,40″ у. д.HGЯO
Ухіл ракі	0,9 м/км
Размяшчэнне
Водная сістэма	Проня → Сож → Дняпро → Чорнае мора
Краіна	Беларусь
Рэгіён	Магілёўская вобласць
Раёны	Горацкі раён, Дрыбінскі раён
выток вусце
— выток, — вусце

Даўжыня 46 км. Плошча вадазбору 688 км². Сярэднегадавы расход вады ў вусці каля 4,3 м³/с. Сярэдні нахіл воднай паверхні 0,9 ‰.

Асноўныя прытокі

• Праваруч: Дняпрэц, Лебядзёўка, Каліноўка (рака), Жалезня
• Леваруч: Рамясцвянка, Карчаваха

Агульныя звесткі

Пачынаецца каля мяжы з Расіяй, за 5 км на ўсход ад вёскі Быстрая Горацкага раёна, вусце каля гарадскога пасёлка Дрыбін. Цячэ пераважна па Горацка-Мсціслаўскім узвышшы.

Даліна трапецападобная, шырынёй 0,8—1 км. Абалона месцамі двухбаковая, яе шырыня 0,2—0,25 км. Рэчышча звілістае, шырыня ракі ў межань 3—15 м. Выкарыстоўваецца ў якасці водапрыёмніка меліярацыйных каналаў. Каналізавана 6 км рэчышча ў высокай плыні. Каля арграгарадка Горы на рацэ вадасховішча Горы^[1][2].

Гідранімія

Рака названая паводле характару плыні: славянскае «bystry» — хуткі.

Зноскі

1. Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 13. — 64 с. — 10 000 экз. — ISBN 978-985-508-173-0. (руск.)
2. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 367.