Бычок-пясочнік

Бычок-пясочнік, бычок-пясчанік (Neogobius fluviatilis) — від рыб сямейства Бычковыя (Gobiidae).

Бычок-пясочнік
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Акунепадобныя Падатрад:  Gobioidei Сямейства:  Бычковыя Род:  Neogobius Від:  Бычок-пясочнік
Міжнародная навуковая назва
Neogobius fluviatilis Pallas, 1814
Сінонімы
Gobius fluviatilis Pallas, 1814 Gobius fluviatilis nigra Kessler, 1859 Gobius lacteus Nordmann, 1840 Gobius sordidus Bennett, 1835 Gobius stevenii Nordmann, 1840 Neogobius fluviatilis fluviatilis Pallas, 1814 Apollonia fluviatilis Pallas, 1814
Арэал
Сістэматыка на Віківідах Выявы на Вікісховішчы ITIS   172069 NCBI   320562

Апісанне

Даўжыня 7—12, часам да 20 см, маса да 50 г. Цела буравата-шэрага або жаўтавата-шэрага колеру, з 8—12 цёмнымі плямамі ўздоўж бакоў. Самцы ў час нерасту чорныя. Брушныя плаўнікі ўтвараюць круглы прысосак.

Пашырэнне і экалогія

Пашыраны ў рэках басейна Чорнага мора. У вялікай колькасці ёсць у Дняпры, Сажы, Прыпяці, Бярэзіне. Трымаюцца пясчаных перакатаў з павольным цячэннем. Нераст у маі—чэрвені.

Гаспадарчага значэння не мае.

Літаратура

• Бычок-пясочнік // Беларуская ССР: Кароткая энцыклапедыя. Т. 2. — Мн.: БелСЭ. 1979.
• Бычок-пясочнік // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3). — С. 382.