Ваг

Ваг (славацк.: Váh, венг.: Vág, ням.: Waag, польск.: Wag) — самая доўгая рака Славакіі. Левы прыток Дуная. Пачынаецца каля вёскі Кралёва-Легата, дзе зліваюцца Чорны Ваг і Белы Ваг. Рака цячэ па поўначы і захадзе Славакіі і ўпадае ў Дунай недалёка ад Комарна. Галоўныя прытокі — Нітра, Малы Дунай, Кісуца, Тур’ец, Орава, Рэвуца, Райчанка.

Ваг
Характарыстыка
Даўжыня	403 км
Басейн	19 600 км²
Расход вады	ля Трноўца над Вагам: 153 м³/с
Вадацёк
Выток
• Вышыня	664 м
• Каардынаты	49°01′08″ пн. ш. 19°48′33″ у. д.HGЯO
Вусце	Дунай[1]
• Каардынаты	47°44′59″ пн. ш. 18°08′51″ у. д.HGЯO
Размяшчэнне
Водная сістэма	Дунай → Чорнае мора
Краіна	Славакія[1]
— выток, — вусце
Медыяфайлы на Вікісховішчы

Працякае праз гарады і мястэчкі: Ліптаўскі Градак, Ліптаўскі Мікулаш, Ружамберак, Вруткі, Жыліна, Бытча, Поваска-Бістрыца, Пухаў, Ілава, Дубніца-над-Вагам, Немшава, Трэнчын, Нове Месца над Вагам, П’ешцяны, Глогавец, Серэдзь, Шаля, Коларава і Комарна.

Даўжыня ракі — 433 км, плошча водазбору — 19 600 км². Сярэднегадавы расход вады — 152 м³/сек.

На рацэ пабудавана сістэма з 20 гідраэлектрастанцый — Важскі каскад. Воды ракі выкарыстоўваюцца для арашэння і водазабеспячэння. Рака з'яўляецца суднаходнай ад вусця ракі Серэдзь.

Літаратура

• Ваг // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 427. — 10 000 экз. — ISBN 985-11-0035-8. — ISBN 985-11-0068-4 (т. 3).