Ваграм Камеравіч Папазян

Вагра́м (Варфаламей) Каме́равіч (Гамэравіч, Паміравіч) Папазя́н (арм.: Վահրամ Փափազյան; 1888—1968) — армянскі савецкі акцёр тэатра і кіно, тэатральны рэжысёр. Народны артыст СССР (1956).

Ваграм Камеравіч Папазян
арм.: Վահրամ Փափազյան турэцк.: Vahram Papazyan
Дата нараджэння	18 (30) студзеня 1888 ці 18 студзеня 1888(1888-01-18)[1]
Месца нараджэння	Стамбул, Асманская імперыя
Дата смерці	5 чэрвеня 1968(1968-06-05) (80 гадоў) ці 5 мая 1968(1968-05-05)[1] (80 гадоў)
Месца смерці	Ленінград, СССР
Месца пахавання	Grave of Vahram Papazian[d] Пантэон імя Камітаса[d]
Грамадзянства	СССР  Асманская імперыя  Турцыя
Адукацыя	Esayan Ermeni Okulu[d] Private Armenian School of Pangaltı[d]
Прафесія	акцёр, пісьменнік, празаік, тэатральны акцёр, тэатральны рэжысёр
Узнагароды	народны артыст Грузінскай ССР[d]
IMDb	ID 0660380
Медыяфайлы на Вікісховішчы

Біяграфія

Нарадзіўся 6 (18) студзеня 1888 года ў Канстанцінопалі, цяпер — Стамбул, Турцыя.

Вучыўся ў Італіі, спачатку ў Венецыі (1905-1907), потым у Міланскай акадэміі майстэрстваў (1908-1911), дзе браў удзел у спектаклях труп Э. Дузе, Э. Навелі, Э. Цаконі, Дж. Гроса (у Італіі і за яе межамі). Дасканаліўся ў Парыжы.

У 1907-1922 гадах (з перапынкамі) працаваў у армянскіх трупах Канстанцінопаля. Гастраляваў па гарадах Балгарыі, Албаніі, Македоніі, Фракіі. У 1913-1915 гадах выступаў у Баку і Тыфлісе.

У 1922 года з групай акцёраў (Р. Нерсесян, М. Джанан др.) пераехаў у СССР.

У 1922-1954 гадах іграў і ставіў спектаклі ў армянскіх і рускіх трупах Закаўказзя (Ерэван, Тбілісі, Баку), РСФСР (Ленінград, Масква) і Украіны (Адэса).

У 1922-1923 гадах — акцёр і рэжысёр 1-га Дзяржаўнага тэатра Арменіі (цяпер Армянскі тэатр імя Сундукяна) (Ерэван).

У 1926 годзе паставіў драму «Маскарад» М. Ю. Лермантава ў Тыфліскім армянскім тэатры, дзе меў ролю Арбеніна. Лічачы стары пераклад несцэнічным, сам пераклаў драму на армянскую мову^[2].

У 1932-1954 гадах жыў у Ленінградзе, нават у перыяд блакады падчас вайны заставаўся ў горадзе. У 1941—1944 гадах — акцёр ленінградскіх тэатраў — Вялікага драматычнага тэатра імя М. Горкага і Тэатра драмы імя А. Пушкіна.

Гастраляваў у многіх гарадах СССР, а таксама ва Францыі, Іране, Балгарыі, Ліване. У 1932 годзе ў парыжскім тэатры «Адэон» гуляў ролі Атэла і Гамлета.

З 1954 года — акцёр Армянскага тэатра імя Г. Сундукяна (Ерэван).

З 1917 года здымаўся ў кіно. На кінафабрыцы Аляксандра Ханжонкава (цяпер Ялцінская кінастудыя) здымаўся пад псеўданімам Эрнэста Ваграм.

Памёр 5 чэрвеня 1968 года ў Ленінградзе^[3]. Пахаваны ў пантэоне парка ім. Камітаса ў Ерэване.

Зноскі

1. საქართველოს ბიოგრაფიული ლექსიკონი — 2001. Праверана 21 сакавіка 2018.

   <a href='https://wikidata.org/wiki/Track:Q58357743'></a>
2. Папазян Ваграм Камерович
3. Папазян