Вялікія Арлы (вадасховішча)

У паняцця ёсць і іншыя значэнні, гл. Вялікія Арлы.

Вялі́кія Арлы́ — вадасховішча ў Беларусі, у Столінскім раёне Брэсцкай вобласці, у басейне ракі Ветліца (правы прыток Прыпяці), у меліярацыйнай сістэме «Магільна», за 20 км на паўночны ўсход ад горада Столін.

Вялікія Арлы
Каардынаты: 52°02′59″ пн. ш. 26°58′31″ у. д.HGЯO
Размяшчэнне	Беларусь, Брэсцкая вобласць, Столінскі раён
Даўжыня	1,3 км
Шырыня	1,1 км
Плошча	0,99 км²
Аб'ём	0,0035 км³
Найбольшая глыбіня	4,8 м
Вялікія Арлы
Вялікія Арлы

Плошча паверхні 0,99 км², даўжыня 1,3 км, найбольшая шырыня 1,1 км, найбольшая глыбіня 4,8 м, аб’ём вады 3,5 млн м³. Даўжыня агараджальная дамбы 4,4 км. Вадасховішча наліўное, напаўняецца вадой з Бор-Дубянецкага канала ў час разводдзя і за кошт меліярацыйных каналаў. Ваганні ўзроўню вады на працягу года 3,8 м. Выкарыстоўваецца для рыбагадоўлі, увільгатнення і арашэння зямель.

Літаратура

• Вялікія Арлы // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4). — С. 387.
• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 521.