Ветліца

Ве́тліца — рака ў Столінскім раёне Брэсцкай вобласці, правы прыток ракі Прыпяць (басейн Дняпра).

Ветліца
Характарыстыка
Даўжыня	30 км
Вадацёк
Выток	Столінскі раён
Вусце	Прыпяць
Размяшчэнне
Водная сістэма	Прыпяць → Дняпро → Дняпроўскі ліман[d]
Краіна	Беларусь

Даўжыня 30 км. Пачынаецца за 3,5 км на паўночны захад ад вёскі Беражное, вусце за 3 км вышэй за ўпадзенне ў Прыпяць ракі Смердзь. Рэчышча ад вытоку да вёскі Малыя Арлы на працягу 6 км каналізаванае. У ніжнім цячэнні працякае па тэрыторыі ландшафтнага заказніка рэспубліканскага значэння «Сярэдняя Прыпяць».

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Ветліца // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 123. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• ВЕТЛІЦА на сайце анлайн-энцыклапедыі «Беларуская энцыклапедыя»