Валерый Уладзіміравіч Кокаш

Валерый Уладзіміравіч Кокаш (7 лістапада 1951, в. Білоб, Асіповіцкі раён, Магілёўская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Валерый Уладзіміравіч Кокаш
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	7 лістапада 1951(1951-11-07) (73 гады) в. Білоб, Асіповіцкі раён, Магілёўская вобласць
Адукацыя	Санкт-Пецярбургскі дзяржаўны аграрны ўніверсітэт

У Вікіпедыі ёсць артыкулы пра іншых людзей з прозвішчам Кокаш.

Біяграфія

Нарадзіўся 7 лістапада 1951 года ў в. Білоб Асіповіцкага раёна Магілёўскай вобласці.

Скончыў Ленінградскі Працоўнага Чырвонага Сцяга сельскагаспадарчы інстытут, эканаміст-арганізатар сельскагаспадарчай вытворчасці.

Працаваў інструктарам Астравецкага раённага камітэта ЛКСМБ Гродзенскай вобласці; майстрам міжкалгаснай будаўнічай арганізацыі г.п. Астравец Гродзенскай вобласці; майстрам, прарабам будаўнічай перасоўнай механізаванай калоны № 151 Гродзенскага аблміжкалгасбуда г.п. Астравец; інжынерам-будаўніком, намеснікам старшыні калгаса «Радзіма» Астравецкага раёна Гродзенскай вобласці; начальнікам дарожнага рамонтна-будаўнічага ўпраўлення № 159 г.п. Астравец Гродзенскай вобласці; дырэктарам Астравецкага камбіната будаўнічых матэрыялаў Гродзенскай вобласці; начальнікам дарожнага рамонтна-будаўнічага ўпраўлення № 134 г. Смаргоні Гродзенскай вобласці; начальнікам дарожнага рамонтна-будаўнічага ўпраўлення № 47 ААТ «Аўтамагістраль» г. Гродна; галоўным інжынерам, генеральным дырэктарам абласнога ўнітарнага прадпрыемства «Гроднааблдарбуд»; генеральным дырэктарам камунальнага праектна-рамонтна-будаўнічага ўнітарнага прадпрыемства «Гроднааблдарбуд».

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Асабістае жыццё

Жанаты, мае дзвюх дачок.

Зноскі