Варлынка

Ва́рлынка — рака ў Докшыцкім раёне Віцебскай вобласці Беларусі, правы прыток ракі Поня (басейн Дняпра).

Варлынка
Характарыстыка
Даўжыня	14 км
Басейн	82 км²
Вадацёк
Выток
• Месцазнаходжанне	за 1 км на паўднёвы захад ад вёскі Пугачова
• Каардынаты	54°47′52,20″ пн. ш. 28°02′35,50″ у. д.HGЯO
Вусце	Поня
• Месцазнаходжанне	за 2 км на поўнач ад вёскі Юхнаўка
• Каардынаты	54°49′59,30″ пн. ш. 27°57′54,70″ у. д.HGЯO
Ухіл ракі	0,8 м/км
Размяшчэнне
Водная сістэма	Поня → Бярэзіна → Дняпро → Чорнае мора
Краіна	Беларусь
Рэгіён	Віцебская вобласць
Раён	Докшыцкі раён
выток вусце
— выток, — вусце

Назва

Назва балцкага паходжання, больш ранняя форма захавалася ў назве вёскі Ва́рлынь (цяпер Варлань, так жа сама рэчка і вёска Пя́дынь цяпер «Пядань»).

Звязана з літоўскім varlė «жаба»^[1]. Літоўскія гідранімічныя аналагі — шматлікія рачныя і азёрныя назвы тыпу Varlė, Varlys, Varl-upis, Varl-akys^[2].

Ад літоўскага слова для жабы і назва балота Варалочы (паміж вытокамі Нёмана і цячэннямі Пцічы і Лошы), якая аднаўляецца як *Varl-akiai і адпавядае літоўскай рачной назве Varl-akys «Жаб’я рака». Адпачатна гэта была назва рэчкі, што памалу перайшла на назву балота^[3].

Гідраграфія

Даўжыня ракі 14 км, Плошча вадазбору 82 км². Сярэдні нахіл воднай паверхні 0,8 м/км.

Пачынаецца за 1 км на паўднёвы захад ад вёскі Пугачова, вусце за 2 км на поўнач ад вёскі Юхнаўка. Вадазбор у межах Нарачанска-Вілейскай нізіны.

На ўсім працягу каналізаваная. Рака прымае сцёк з меліярацыйных каналаў (у тым ліку, з Варлынскага канала^[4]).