Пядань

Пяда́нь^[1] (трансліт.: Piadań, руск.: Пядань) — вёска ў Барысаўскім раёне Мінскай вобласці. Уваходзіць у склад Мсціжскага сельсавета.

Вёска Пядань Краіна Беларусь Вобласць Мінская Раён Барысаўскі Сельсавет Мсціжскі Каардынаты 54°33′34″ пн. ш. 28°05′15″ у. д.HGЯO Насельніцтва ▼4 чал. (2009) Часавы пояс UTC+3 Тэлефонны код +375 177 Паштовыя індэксы 222137 Аўтамабільны код 5 Пядань Пядань

Назва

У П. Маштакова згадваецца рака Пядынка (прыток Цны)^[2], — вёска стаіць на яе вярхах. На ранейшых картах і вёска, і рака пазначаліся як «Пядынь».^{[крыніца не пазначана 49 дзён]}

На думку У. Тапарова, рачная назва Пядынка балцкага паходжання. Тапанімічны аналаг — пруская назва Pendelythen / Pyndelithen (літ. pendėti «сохнуць, гнісці»). Наўрад ці меў рацыю, паводле Ул. Тапарова, Я. Развадоўскі, калі тлумачыў гэтую назву з фінскай^[3].

На думку В. Жучкевіча, назва вёскі Пядань пахоздіць ад беларускага пядань — кісць рукі і мера (параўн. пядзя)^[4]. Акадэмічныя і дыялектычная слоўнікі беларускай мовы слова «пядань» не даюць^[5][6]. У Даля згадваецца слова пядень — тое ж, што і пядзя^[7].

На думку А. Рогалева, назва Пядынка ўтворана ад старажытнай каранёвай асновы *pet, якая мела значэнне «расцяканне», «цячы», «паток»^[8].