Вастракільніца

Вастракі́льніца^[1] (Lembotropis) — род кветкавых раслін сямейства Бабовыя (Fabaceae).

Вастракільніца
Вастракільніца чарнеючая (Lembotropis nigricans)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Genisteae Род:  Вастракільніца
Міжнародная навуковая назва
Lembotropis (Griseb., 1843)
Сінонімы
Cytisus (L., 1753)
Сістэматыка на Віківідах Выявы на Вікісховішчы ITIS   500235 NCBI   3833 EOL   27799 GRIN   g:3337 IPNI   331540-2

Батанічнае апісанне

Кусты вышынёй да 1,5 м, ад асновы моцна галінасты, з прамымі прутападобнымі ўзыходнымі галінкамі. Лісце трайчастае, з непрыкметнымі прылісткамі. Кветкі залаціста-жоўтыя, з непрыемным пахам, у негустых коласападобных гронках. Кіль лодачкі на верхавінцы дзюбападобна адцягнуты (адсюль назва). Плод — падоўжна-лінейны боб.

Распаўсюджанне

Адрозніваецца некалькі відаў. Пашыраны ў Сярэдняй, Паўднёвай і Усходняй Еўропе. На тэрыторыі Беларусі зрэдку трапляецца вастракільніца чарнеючая (Lembotropis nigricans) — расце на пясчаных мясцінах, у хваёвых барах, на высечках.

Значэнне і выкарыстанне

Дэкаратыўныя, сідэратныя і меданосныя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 73. — 160 с. — 2 350 экз.