Вастракільніца чарнеючая

Вастракі́льніца чарнеючая^[1][2] (Lembotropis nigricans) — від кветкавых раслін з роду Вастракільніца (Lembotropis) сямейства Бабовыя (Fabaceae).

Вастракільніца чарнеючая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Genisteae Род:  Вастракільніца Від:  Вастракільніца чарнеючая
Міжнародная навуковая назва
Lembotropis nigricans (L.) Griseb., 1843
Сінонімы
Cytisus nigricans L. Cytisus nigricans var. nigricans Lembotropis nigricans subsp. nigricans
Сістэматыка на Віківідах Пошук выяў на Вікісховішчы NCBI   449077 EOL   703990 GRIN   t:12995 IPNI   844139-1 TPL   ild-8892

Батанічнае апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Моцна галінасты ад асновы куст вышынёй 50—80^[2] см. Галінкі прамыя, узыходныя, зрэдку валасістыя, з тонкімі жалабкамі. Лісце чаргаванае, трайчастае, на чаранках, з непрыкметнымі прылісткамі. Лісцікі эліпсоіднай формы, голыя і цёмна-зялёныя зверху, апушаныя і святлейшыя знізу. Кветкі з пяццю^[3] пялёсткамі, залаціста-жоўтага колеру, з прыемным пахам, па 10—25^[2] у коласападобных суквеццях. Плод — струк лінейна-ланцэтнай формы, укрыты прыціснутымі валаскамі.

Распаўсюджанне і экалогія

Расліна распаўсюджана ва ўмераных абласцях Еўропы і Паўночнай Амерыкі. Расце ў хваёвых лясах і хмызняках. Цвіце ў чэрвені—жніўні.

Дэкаратыўная расліна.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 73. — 160 с. — 2 350 экз.
2. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
3. Острокильница чернеющая — Lembotropis nigricans: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)