Васільеўскі сельсавет (Полацкі раён)

У паняцця ёсць і іншыя значэнні, гл. Васільеўскі сельсавет.

Васі́льеўскі сельсавет — былая адміністрацыйна-тэрытарыяльная адзінка ў складзе Полацкага раёна Полацкай вобласці. Цэнтр — Забор’е.

Васільеўскі сельсавет
Краіна	Беларуская ССР
Уваходзіў у	Полацкі раён
Адміністрацыйны цэнтр	Забор’е
Дата ўтварэння	20 жніўня 1924
Дата скасавання	17 лістапада 1948

Гісторыя

Утвораны 20 жніўня 1924 года як Васільеўскі (Васілёўскі) сельсавет у складзе Дрэтунскага раёна Полацкай акругі БССР. Цэнтр — вёска Васілева (Васілёва). З 3 ліпеня 1925 года ў складзе Краснапольскага раёна Полацкай акругі. 24 верасня 1926 года цэнтр сельсавет перанесены ў вёску Забор’е. З 4 жніўня 1927 года ў складзе Полацкага раёна Полацкай акругі. Пасля скасавання акруговай сістэмы 26 ліпеня 1930 года ў Полацкім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці^[1]. 17 лістапада 1948 года скасаваны з-за разрушэнняў падчас Вялікай Айчыннай вайны, тэрыторыя далучана да Алёсаўскага сельсавета за выключэннем вёскі Прудзіны, якая была ўключана ў склад Домнікаўскага сельсавета^[2][3].

Населеныя пункты

• 1 студзеня 1947 года — 11^[4]