Васіль Іванавіч Пансевіч-Каляда

Васіль Іванавіч Пансе́віч-Каляда^[1] (22 верасня 1901 — 12 студзеня 1986) — вучоны ў галіне арганічнай хіміі, доктар хімічных навук (1966), прафесар (1967), Заслужаны дзеяч навукі БССР (1968).

Васіль Іванавіч Пансевіч-Каляда
Дата нараджэння	22 верасня 1901(1901-09-22)
Месца нараджэння	Пагор’е, Навагрудскі павет, Мінская губерня, Расійская імперыя
Дата смерці	12 студзеня 1989(1989-01-12) (87 гадоў)
Грамадзянства	СССР
Род дзейнасці	хімік
Навуковая сфера	арганічная хімія
Месца працы	БНТУ Інстытут хіміі АН БССР
Навуковая ступень	доктар хімічных навук (1966)
Альма-матар	БДУ (1935)
Узнагароды

Біяграфія

Нарадзіўся ў вёсцы Пагор’е (зараз у Карэліцкім раёне Гродзенскай вобласці Беларусі). У 1935 годзе скончыў Беларускі дзяржаўны ўніверсітэт. У 1936—1984 гадах у Беларускім політэхнічным інстытуце (у 1955—1980 гадах — загадчык кафедры неарганічнай, арганічнай і біялагічнай хіміі^[2]). Адначасова ў 1947—1955 гадах загадчык лабараторыі ў Інстытуце хіміі Акадэміі навук БССР^[1]. Удзельнік Вялікай Айчыннай вайны^[2].

Навуковая дзейнасць

Навуковыя працы па будове і рэакцыйнай здольнасці эпаксідных злучэнняў. Займаўся распрацоўкай метадаў сінтэзу злучэнняў спіранавай структуры.

Сярод апублікаванага:

• Органические соединения и введение в химию полимеров: Учеб. пособие для студентов строит. спец. и первого курса всех спец. нехим. вузов : [В 2 ч.]. — Минск : БПИ, 1978—1980. (у сааўтарстве з І. А. Шнып^[1])

Сааўтар патэнта «Способ получения замещенных спирооксетанов с борнановым циклом»^[3].

Зноскі

1. Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12.
2. История Белорусского национального технического университета 1920—2010 / К. И. Баландин и др.; под общ. ред. Б. М. Хрусталева. — Изд. 2, доп. и испр.— Минск: БИТУ, 2010. — 258 с.: ил. ISBN 978-985-525-586-5 (руск.)
3. PatentDB.ru — База патентов РФ на изобретения и промышленные образцы (руск.)