Васіль Андрэевіч Саковіч

У Вікіпедыі ёсць артыкулы пра іншых людзей з прозвішчам Саковіч.

Васіль Андрэевіч Сако́віч (нар. 1949, Плешчыцы, цяпер Пінскі раён, Брэсцкая вобласць) — беларускі дзяржаўны дзеяч, дыпламат.

Васіль Саковіч
Надзвычайны і Паўнамоцны Пасол Рэспублікі Беларусь у Рэспубліцы Малдова 3 верасня 1999 — 4 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Лінг, Уладзімір Ярмошын, Генадзь Навіцкі, Сяргей Сідорскі
Папярэднік	Мікалай Грынёў
Пераемнік	Вячаслаў Асіпенка
Старшыня Кантрольнай палаты Рэспублікі Беларусь 24 красавіка 1992 — 19 снежня 1996
Прэзідэнт	---, Аляксандр Лукашэнка
Нараджэнне	1949 Плешчыцы, Плешчыцкі сельсавет, Пінскі раён, Пінская вобласць, Беларуская ССР, СССР
Адукацыя	Брэсцкі інжынерна-будаўнічы інстытут Мінская вышэйшая партыйная школа пры ЦК КПБ
Дзейнасць	міжнародныя адносіны[1] і глабалізацыя[1]
Узнагароды	ганаровая грамата Нацыянальнага сходу Рэспублікі Беларусь (12 лютага 1999) Ганаровая грамата Савета Міністраў Рэспублікі Беларусь (3 красавіка 2006)

Дэпутат Вярхоўнага Савета Рэспублікі Беларусь 12-га і 13-га скліканняў, дэпутат Палаты Прадстаўнікоў Нацыянальнага сходу Рэспублікі Беларусь 1-га склікання.

Біяграфія

У 1972 годзе скончыў Брэсцкі інжынерна-будаўнічы інстытут. З 1973 на гаспадарчай рабоце ў Віцебску, з 1982 года галоўны інжынер трэста «Віцебсксельбуд». У 1986 годзе скончыў Мінскую вышэйшую партыйную школу. З 1986 года загадчык аддзела, сакратар Віцебскага абласнога камітэта КПБ, з 1991 года — начальнік аддзела Упраўлення дзяржаўнай пазаведамаснай экспертызы праектаў і каштарысаў пры Віцебскім абласным выканаўчым камітэце.

З 24 красавіка 1992 года да 19 снежня 1996 года быў старшынёй Кантрольнай палаты Рэспублікі Беларусь^[2][3].

3 верасня 1999 года быў прызначаны Надзвычайным і Паўнамоцным Паслом Рэспублікі Беларусь у Рэспубліцы Малдова^[4]. Адстаўлены з гэтай пасады быў 4 чэрвеня 2009 года^[5].

12 лютага 1999 года ўзнагароджаны Ганаровай граматай Нацыянальнага сходу Рэспублікі Беларусь^[6], а 3 красавіка 2006 года — Ганаровай граматай Савета Міністраў Рэспублікі Беларусь^[7].