Васіль Фёдаравіч Давыдзёнак

Васіль Фёдаравіч Давыдзёнак (13 красавіка 1931, в. Слабада, Мёрскі раён, Віцебская вобласць) — беларускі архітэктар.

Васіль Фёдаравіч Давыдзёнак
Дата нараджэння	13 красавіка 1931(1931-04-13) (94 гады)
Месца нараджэння	Слабада, Узмёнскі сельсавет, Мёрскі раён, Беларусь
Грамадзянства	СССР
Альма-матар	БПІ (1961)
Месца працы	Казандзіпрасельгасвадбуд[d] Гроднаграмадзянпраект
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Давыдзёнак.

Біяграфія

Скончыў Беларускі політэхнічны інстытут у 1961 годзе. Працаваў архітэктарам, галоўным архітэктарам праектаў у Казандзіпрасельгасвадбудзе, з 1966 года — кіраўнік майстэрні, галоўны архітэктар праектаў у Гроднаграмадзянпраекце.

Член Саюза архітэктараў СССР з 1975 года. Пражывае ў г. Гродне.

Творчасць

Асноўныя працы: генпланы г. Мартук Акцюбінскай вобласці (1962—1963); у аўтарскім калектыве: гандлёва-бытавыя прыбудовы да жылых дамоў па вул. Белуша (1969), будынак гаркама КПБ (1972), цэнтральны дыспетчарскі пункт «Гроднаэнерга» (1977), тры комплексы 5-, 13-павярховых жылых дамоў па вул. М. Горкага (1973—1980), 8-, 10-павярховыя жылыя дамы з блокамі абслугоўвання ў мікрараёне Фарты-2 (1975—1978), мікрараёны Фарты-1, Пярэселка-3 і Дзевятоўка (1981), Дом тэхнікі (1982) у Гродне, навучальны корпус з актавай і спартыўнай заламі гандлёва-эканамічнага тэхнікума ў Навагрудку (1970).

Зноскі