Васіль Пятровіч Ласковіч

Васіль Пятровіч Ласко́віч (18 лютага 1914, в. Франопаль, Брэсцкі павет, Гродзенская губерня, Расійская імперыя — 8 сакавіка 2012) — удзельнік рэвалюцыйнага руху ў Заходняй Беларусі, ветэран Вялікай Айчыннай вайны, пісьменнік.

Васіль Пятровіч Ласковіч
Асабістыя звесткі
Дата нараджэння	18 лютага 1914(1914-02-18)
Месца нараджэння	Франопаль, Брэсцкі павет, Гродзенская губерня, Расійская імперыя
Дата смерці	8 сакавіка 2012(2012-03-08) (98 гадоў)
Грамадзянства	Беларусь  Польшча  СССР
Альма-матар	Усесаюзны юрыдычны завочны інстытут[d] (1949)
Месца працы	Брэсцкая крэпасць-герой
Прафесійная дзейнасць
Род дзейнасці	удзельнік рэвалюцыйнага руху ў Заходняй Беларусі, ветэран Вялікай Айчыннай вайны, пісьменнік.
Грамадская дзейнасць
Член у	Камуністычны саюз моладзі Заходняй Беларусі Саюз пісьменнікаў Беларусі
Прэміі	Літаратурная прэмія імя Уладзіміра Калесніка (2008)
Узнагароды	ганаровы грамадзянін горада Брэста (1978)

У Вікіпедыі ёсць артыкулы пра іншых людзей з прозвішчам Ласковіч.

Біяграфія

Нарадзіўся 18 лютага 1914 года ў в. Франопаль Брэсцкага павета Гродзенскай губерні (цяпер — Брэсцкага раёна Брэсцкай вобласці). Удзельнік рэвалюцыйнага руху ў Заходняй Беларусі (падпольныя мянушкі: Старасельчанін, Валодзя). Рэвалюцыйную дзейнасць пачаў, калі ўступіў у КСМЗБ. У 1933 годзе — член, сакратар Падгародскага райкама КСМЗБ у Брэсце, у 1934 — сакратар Навагрудскага акружнога камітэта КСМЗБ, арганізатар і ўдзельнік Навасёлкаўска-Паўлаўскага ўзброенага паўстання.

Адзін з арганізатараў і ўдзельнікаў узброеннага выступлення сялян в. Навасёлкі Брэсцкага павета (1933). У лістападзе 1934 года арыштаваны, асуджаны на 10 гадоў зняволення. У верасні 1939 года вызвалены Чырвонай Арміяй. Дэпутат Народнага Сходу Беларусі ў Беластоку (1939). З чэрвеня 1941 года на фронце. У верасні 1941 года рэпрэсіраваны, сасланы ў г. Омск, у красавіку 1942 года вызвалены. У верасні 1942 — ліпені 1944 года — намеснік начальніка асобага аддзела атрада імя Калініна партызанскай брыгады «Народныя мсціўцы», начальнік спецгрупы.

У 1949 годзе скончыў Усесаюзны юрыдычны завочны інстытут.

У 1945—1970 гадах на савецкай і партыйнай рабоце і ў органах юстыцыі ў Брэсце. У 1970—1980 гадах — навуковы супрацоўнік мемарыяльнага комплексу «Брэсцкая крэпасць-герой».

Адзін з аўтараў зборнікаў «У працы і баі» (1970), «Гады выпрабаванняў і мужнасці» (1973).

Член Саюза пісьменнікаў Беларусі (2006).

Памёр 8 сакавіка 2012 года^[1].

Прызнанне

За баявыя заслугі і працоўныя дасягненні В. П. Ласковіч узнагароджаны пяццю ордэнамі і больш чым дзесяццю медалямі, ордэнам Францыска Скарыны (2004).

Ганаровы грамадзянін горада Брэста (1978). Лаўрэат Літаратурнай прэміі імя Уладзіміра Калесніка за аўтабіяграфічную кнігу «Отзвук далёкой грозы» (2008).

Творчасць

Аўтар кніг

• «В суровые годы подполья»: очерк (Брест, «Брестская типография», 1958).
• «Годы испытаний и мужества» (Брест, «Брестская типография», 1973).
• «Тайными тропами»: документальная повесть (Мінск, «Беларусь», 1974).
• «Из племени непокоренных»: документальная повесть (Брест, «Брестская типография», 1999).
• «Подвиг Коммунистической партии Западной Беларуси» (КПЗБ 1919—1939 гг.): очерк (Брест, «Брестская типография», 2002).
• «Забудь имя своё»: пьеса-драма (Брест, «Брестская типография», 2006).
• «Отзвук далёкой грозы»: мемуары 1939—1945 гг. (Брест, «Брестская типография», 2007).

Успаміны

• «В годы подполья»: газета «Заря» (15.05.1980).
• «Сентябрь 39-го»: газета «Заря» (16.09.1989).
• «З успамінаў»: газета «Сельскае жыццё» (16.09.1989).
• «Из воспоминаний»: газета «Вечерний Брест» (17.02.1999).
• «Мы боролись за Родину»: «Коммунист Беларуси» (16.09.2006).

Зноскі

1. Революционер, коммунист и патриот Родины (нявызн.)(недаступная спасылка). Архівавана з першакрыніцы 7 снежня 2022. Праверана 12 мая 2022.