Вашынгтонскі кафедральны сабор

Кафедральны сабор святых Пятра і Паўла, або Вашынгтонскі кафедральны сабор — галоўны сабор англіканскай Епіскапальнай царквы ЗША, размешчаны ў Вашынгтоне, ЗША. Будынак сабора па велічыні з'яўляецца шостым кафедральным саборам ў свеце, які быў пабудаваны ў неагатычным стылі і другім у ЗША. Пры закладцы першага каменя ў падмурак сабора 29 верасня 1907 года прысутнічаў прэзідэнт Тэадор Рузвельт. Будаўніцтва працягвалася 83 гады і ўрачыста завяршылася ў 1990 годзе ў прысутнасці прэзідэнта Джорджа Буша-старэйшага. Сабор знаходзіцца пад кіраваннем створанага для гэтай мэты пратэстанцкага Епіскапальнага кафедральнага фонду з моманту рашэння Кангрэса аб яго будаўніцтве 6 студзеня 1893 года. Будынак знаходзіцца на скрыжаванні Масачусетс і Вісконсін-авеню на паўночным захадзе Вашынгтона. Уваходзіць у Нацыянальны рэестр гістарычных месцаў ЗША. 23 жніўня 2011 года ў выніку землятрусу тры шпілі адной з вежаў будынка зламаліся, а чацвёрты - пакасіўся. Пашкоджанні атрымалі і іншыя часткі сабора.

Кафедральны сабор
Кафедральны сабор Святых Пятра і Паўла (Вашынгтонскі кафедральны сабор)
Washington National Cathedral
38°55′50,20″ пн. ш. 77°04′14″ з. д.HGЯO
Краіна	ЗША
Горад	Вашынгтон
Канфесія	Епіскапальная царква ЗША
Епархія	Episcopal Diocese of Washington[d][1]
Архітэктурны стыль	неаготыка
Архітэктар	Джордж Фрэдэрык Бодлі (George Frederick Bodley)
Дата заснавання	1910[2][3][…]
Будаўніцтва	1907—1990 гады
Вышыня	91,7 м
Сайт	cathedral.org (англ.)
Медыяфайлы на Вікісховішчы

Архітэктура

Від на хоры сабора.

«Касмічнае акно». Траекторыя карабля Апалон Зямля-Месяц-Зямля.

Канчатковы дызайн сабора дэманструе сумесь гатычных сярэднявечных архітэктурных стыляў.

Асноўным матэрыялам для будаўніцтва быў светла-карычневы пясчанік з каменяломняў цэнтральнай Індыяны. Сучасныя матэрыялы ўжываліся толькі для бэлек і крокваў, якія былі зроблены з дрэва са сталлю. Акрамя гэтага, для падмурка структур, якія падтрымліваюць званы, і падлогі заходніх вежаў выкарыстоўваўся бетон.

Амбон, ці пюпітр, быў выразаны з камянёў Кентэрберыйскага сабора, а кафедра біскупа была зроблена з каменя, здабытага ў Гластанберыйскім абацтве. Высокі, ці Іерусалімскі, алтар, зроблены з пясчаніку Саламонавых каменяломняў каля Іерусаліма, з якіх здабываўся камень для будаўніцтва Храма Саламона. У падлогу перад алтаром закладзены дзесяць камянёў з Капліцы Майсея на гары Сінай, якія сімвалізуюць Дзесяць запаведзяў.

Сабор мае больш за 200 вітражоў, самы вядомы — т.з. «касмічнае акно» ў гонар высадкі чалавека на Месяц, які ўключае фрагмент месяцавага каменя, інкруставанага ў цэнтр акна.

Пахаванні вядомых людзей

Магіла Вудра Вільсана.

Вашынгтонскі кафедральны сабор і яго калумбарый з'яўляецца месцам пахавання шматлікіх вядомых амерыканцаў.

• Джордж Д'юі (1837—1917) — адмірал ЗША
• Хелен Адамс (1880—1968) — амерыканская пісьменніца
• Эн Саліван (1866—1936) — вядомы педагог
• Сцюарт Саймінгтан (1901—1988) — амерыканскі палітык, сенатар і прэзідэнцкі кандыдат
• Вудра Вільсан (1856—1924) — 28-ы Прэзідэнт ЗША
• Эдзіт Вільсан (1872—1961) — другая жонка Вудра Вільсана, першая лэдзі
• Кордэл Хал (1871—1955) — 47-ы дзяржсакратар ЗША

У саборы праходзілі жалобныя цырымоніі перад пахаваннямі наступных Прэзідэнтаў ЗША:

• Дуайт Эйзенхаўэр (1890—1969) — 34-ы Прэзідэнт ЗША
• Джэральд Форд (1913—2006) — 38-ы Прэзідэнт ЗША
• Рональд Рэйган (1911—2004) — 40-ы Прэзідэнт ЗША

Зноскі

1. About Us — PECF. Праверана 18 лютага 2023.

   <a href='https://wikidata.org/wiki/Track:Q7251602'></a>
2. DC Historic Sites — DC Preservation League. Праверана 17 лютага 2023.

   <a href='https://wikidata.org/wiki/Track:Q100414803'></a><a href='https://wikidata.org/wiki/Track:Q97159107'></a>
3. Washington National Cathedral // Encyclopædia Britannica Праверана 17 лютага 2023.

   <a href='https://wikidata.org/wiki/Track:Q5375741'></a>