Ваўкавыя

Ваўкавы́я, Ко́ласаўшчына^[1] — рака ў Беларусі, у Ваўкавыскім раёне Гродзенскай вобласці, правы прыток ракі Рось (басейн Нёмана).

Ваўкавыя
Характарыстыка
Даўжыня	14 км
Басейн	68 км²
Вадацёк
Выток
• Месцазнаходжанне	каля аграгарадка Войткавічы
• Каардынаты	53°10′43,90″ пн. ш. 24°34′26,80″ у. д.HGЯO
Вусце	Рось
• Месцазнаходжанне	Ваўкавыск
• Каардынаты	53°09′42,75″ пн. ш. 24°25′13,90″ у. д.HGЯO
Ухіл ракі	4,4 м/км
Размяшчэнне
Водная сістэма	Рось → Нёман → Балтыйскае мора
Краіна	Беларусь
Рэгіён	Гродзенская вобласць
Раён	Ваўкавыскі раён
выток вусце
— выток, — вусце
Медыяфайлы на Вікісховішчы

Назва

Літоўскі аналаг — гідронім Vilkaujà (Вілкаўя) «Ваўчыная (рака)»^[2], ад vilkas «воўк» (Vilk-av-ja > Vilkauja)^[3]. На тэрыторыі Беларусі таксама балцкія «ваўчыныя» рэкі — Воўчас, Аўчоса, якія таксама маюць літоўскі аналаг Vilkesà (Вількеса)^[4].

На думку Ю. Сташэўскага, назва Ваўкавыск азн чае «пасяленне ваўкавыяў». Ваўкавыі, паводле яго, прываблівалі ваўкоў на княжацкіх паляваннях^[5]. На думку В. Жучкевіча, Ваўкавыск — славянская назва, якая ўтворана ад дзвюх асноў. Першая — воўк, другая — выя (старажытнарускае «шыя»), выць альбо высь («вышыня»)^[6]. На думку А. Рогалева, каранёвую аснову назваў Ваўкавыск і Ваўкавыя можна супаставіць з гідронімамі Волхаў ці Волга або з этнонімам волахі^[7].

Гідраграфія

Даўжыня ракі 14 км. Плошча вадазбору 68 км². Сярэдні нахіл воднай паверхні 4,4 м/км. Пачынаецца каля аграгарадка Войткавічы, працякае праз горад Ваўкавыск, упадае ў Рось на яго паўночна-заходняй ускраіне. Вадазбор у межах Ваўкавыскага ўзвышша.