Вера Паўлаўна Пракапцова

Вера Паўлаўна Пракапцова (у дзявоцтве Масленікава; 29 студзеня 1947, Мінск — 13 верасня 2021) — беларускі тэарэтык мастацтва, музыказнавец. Доктар мастацтвазнаўства (2001), прафесар (1997)^[2].

Вера Паўлаўна Пракапцова
Дата нараджэння	29 студзеня 1947(1947-01-29)
Месца нараджэння	Мінск, Беларуская ССР, СССР
Дата смерці	13 верасня 2021(2021-09-13)[1] (74 гады)
Грамадзянства	СССР  Беларусь
Бацька	Павел Васілевіч Масленікаў
Муж	Уладзімір Іванавіч Пракапцоў
Род дзейнасці	тэарэтык мастацтва, музыказнавец, вучоная, выкладчыца ўніверсітэта
Месца працы	Беларуская дзяржаўная акадэмія музыкі Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларускі дзяржаўны ўніверсітэт культуры і мастацтваў
Навуковая ступень	доктар мастацтвазнаўства
Навуковае званне	прафесар
Альма-матар	Беларуская дзяржаўная акадэмія музыкі
Член у	Беларускі саюз літаратурна-мастацкіх крытыкаў
Узнагароды

У Вікіпедыі ёсць артыкулы пра іншых людзей з прозвішчам Пракапцова.

Біяграфія

Нарадзілася 29 студзеня 1947 года ў Мінску^[2]. Дачка беларускага мастака Паўла Масленікава^[3].

Скончыла Беларускую дзяржаўную кансерваторыю (спецыяльнасць «Фартэпіяна», 1970), Інстытут мастацтвазнаўства, этнаграфіі і фальклору АН БССР (аспірантура, 1975), Беларускі ўніверсітэт культуры (дактарантура, 2000)^[2].

Працавала ў Беларускай дзяржаўнай кансерваторыі (1970—1972, канцэртмайстар), Інстытуце мастацтвазнаўства, этнаграфіі і фальклору АН БССР (1975—1978, малодшы навуковы супрацоўнік), Беларускім дзяржаўным універсітэце культуры і мастацтваў (з 1979, загадчык кафедры тэорыі музыкі і фартэпіяна, загадчык кафедры фартэпіяна, дацэнт кафедры эстраднай музыкі, прафесар кафедры беларускай і сусветнай мастацкай культуры, у 1994—2001 — загадчык кафедры)^[2].

Член Беларускага саюза літаратурна-мастацкіх крытыкаў з 1999 года.

Навуковыя інтарэсы: гісторыя і тэорыя мастацтва, мастацкай адукацыі; кампаратыўнае мастацтва і інш.^[2]

Узнагароды

Медаль Францыска Скарыны (2016) і інш.

Сям’я

Была ў шлюбе з Уладзімірам Іванавічам Пракапцовым, беларускім мастаком, генеральным дырэктарам Нацыянальнага мастацкага музея Рэспублікі Беларусь^[4].

Бібліяграфія

• Мастацкая адукацыя ў Беларусі : сацыякультурны аспект : дысертацыя … доктара мастацтвазнўства : 17.00.09 : абаронена 21.12.2000 : зацверджана 05.07.2001 / Пракапцова Вера Паўлаўна. ― Мінск, 2000.
• Роль музыкального образования в становлении музыкальной культуры Белоруссии : автореферат диссертации … кандидата искусствоведения : 17.00.02 / Масленикова Вера Павловна. ― Киев, 1978.

Зноскі

1. Беларусь у асобах і падзеях Праверана 4 красавіка 2024.

   <a href='https://wikidata.org/wiki/Track:Q112702533'></a>
2. А. А. Саламаха. Пракапцова Вера Паўлаўна // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 544. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
3. Сёмае неба Паўла Масленікава (руск.)  (нявызн.) ?. SB.BY. Праверана 24 лістапада 2025.
4. Пайшла з жыцця доктар мастацтвазнаўства, прафесар Беларускага дзяржаўнага ўніверсітэта культуры і мастацтваў Вера Паўлаўна Пракапцова Архівавана 15 верасня 2021.