Вольга Сільвестраўна Шыкунец

Вольга Сільвестраўна Шыкунец (21 красавіка 1937, в. Беражное, гміна Столін, Столінскі павет, Палескае ваяводства, Польская Рэспубліка — 30 ліпеня 2000, Столінскі раён) — Герой Сацыялістычнай Працы (1966).

Вольга Сільвестраўна Шыкунец
Род дзейнасці	работнік сельскай гаспадаркі
Дата нараджэння	21 красавіка 1937(1937-04-21)
Месца нараджэння	Беражное, гміна Столін, Столінскі павет, Палескае ваяводства, Польская Рэспубліка
Дата смерці	30 ліпеня 2000(2000-07-30) (63 гады)
Месца смерці	Лядзец, Лядзецкі сельсавет, Столінскі раён, Брэсцкая вобласць, Беларусь
Месца пахавання	Лядзец
Грамадзянства	Польская Рэспубліка  СССР  Беларусь
Узнагароды і прэміі

Біяграфія

Пасля вайны атрымала няпоўную сярэднюю адукацыю ў мясцовай школе і пачала працаваць ільнаводам у калгасе «Новае жыццё». За высокі ўраджай ільну была ўзнагароджана медалём Усесаюзнай сельскагаспадарчай выстаўкі (УСГВ). Пасля замужжа пераехала ў вёску Лядзец Давыд-Гарадоцкага раёна. Там жа ў 1957 годзе пачала працаваць паляводам у мясцовым калгасе імя Леніна, а праз год перайшла даяркай на малочнатаварную ферму.

У 1963 годзе была пераведзена цялятніцай на ферму па адкорме маладняку буйной рагатай жывёлы. Да канца сёмай пяцігодкі (1959—1965) увайшла ў лік перадавых жывёлаводаў раёна і вобласці.

Некалькі разоў прымала ўдзел ва Усесаюзнай сельскагаспадарчай выстаўцы, была ўзнагароджана медалямі і дыпломамі галоўнага выставачнага камітэта.

Працавала ў калгасе імя Леніна да выхаду на заслужаны адпачынак. Была дэпутатам Брэсцкага абласнога, Столінскага раённага і Лядзецкага сельскага Саветаў дэпутатаў працоўных.

Узнагароды

У 1966 годзе за дасягнутыя поспехі ў развіцці жывёлагадоўлі, павелічэнні вытворчасці і нарыхтовак мяса, малака, яек, воўны і іншай прадукцыі было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат». Узнагароджана ордэнамі Леніна (1966), «Знак Пашаны» (1973), Ганаровай граматай Вярхоўнага Савета БССР (1987), медалямі.