Вук Рашавіч

Вук Рашавіч (сербск.: Вук Рашовић; нар. 3 студзеня 1973, Дортмунд, ФРГ) — сербскі футболіст (абаронца) і трэнер. У цяперашні час з’яўляецца галоўным трэнерам саудаўскага клуба «Аль-Фейха».

Вук Рашавіч
Агульная інфармацыя
Нарадзіўся	3 студзеня 1973(1973-01-03)[1][2] (52 гады) Дортмунд, адміністрацыйная акруга Арнсберг, Паўночны Рэйн-Вестфалія, ФРГ
Грамадзянства	СР Югаславія  Сербія
Рост	182 см
Вага	76 кг
Пазіцыя	абаронца
Інфармацыя пра клуб
Клуб	Аль-Фейха
Пасада	галоўны трэнер
Клубная кар’ера[* 1]
1992—1994 Партызан (Бялград) 1 (0) 1994—1996 Рад (Бялград) 82 (6) 1998 Славія (Сафія) 24 (0) 1998—2001 Партызан (Бялград) 100 (1) 2002—2003 Крылы Саветаў (Самара) 11 (0) 2004 Канзас-Сіці Візардс 1 (0)
Нацыянальная зборная[* 2]
1997—2001 Югаславія 5 (0)
Трэнерская кар’ера
Партызан (Бялград) мол. склад 2009—2011 Партызан (Бялград) памочнік 2011—2013 Тэлеоптык (Бялград) 2013 Партызан (Бялград) 2014—2015 Дынама (Мінск) спарт. дыр. 2015—2016 Дынама (Мінск) 2017 Напрэдак (Крушавац) 2017—2018 Аль-Файсалі (Харма) 2018—2020 Аль-Вазра (Мадынат-Заід) 2020—2021 Аль-Вахда (Абу-Дабі) 2021— Аль-Фейха (Аль-Маджма)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Клубная кар’ера

З 1983 года гуляў у дзіцячай школе бялградскага «Партызана». У 1992 годзе падпісаў першы кантракт.

У Расію патрапіў пасля таго, як футбольны менеджар Андрэй Чарнышоў, які прадстаўляў інтарэсы «Партызана» ў Расіі, паказаў Аляксандру Тарханаву касеты з гульнямі Вука. Пачаліся перамовы, якія скончыліся 11 снежня 2002 года падпісаннем кантракту з самарскімі «Крыламі Саветаў».

Міжнародная кар’ера

Правёў за зборную Саюзнай Рэспублікі Югаславіі 5 матчаў.

Трэнерская кар’ера

Пасля заканчэння кар’еры футбаліста стаў футбольным трэнерам. У якасці галоўнага трэнера ўзначальваў сербскія «Тэлеоптык» і «Партызан».

Увосень 2014 пачаў працаваць у структуры мінскага «Дынама»^[3]. У снежні стала вядома, што Вук прызначаны спартыўным дырэктарам клуба^[4]. У якасці спартыўнага дырэктара кіраваў камплектацыяй да сезону 2015, у многім дзякуючы Рашавічу ў «Дынама» з’явіліся балканскія легіянеры — Фатас Бечырай і Нусмір Фаіч.

30 красавіка 2015 года, пасля адстаўкі Душана Угрына, быў прызначаны выканаўцам абавязкаў галоўнага трэнера дынамаўцаў^[5]. 11 мая быў зацверджаны галоўным трэнерам каманды^[6]. Пасля няўдалага старту дынамаўцаў у чэмпіянаце здолеў выйсці на другі радок у чэмпіянаце Беларусі, а таксама прывёў «Дынама» да выхаду ў групавы раўнд Лігі Еўропы.

15 ліпеня 2016 года, пасля нічыі ў матчы Лігі Еўропы супраць «Сент-Патрыкс Атлетык» (1:1), быў звольнены з пасады галоўнага трэнера дынамаўцаў^[7].

У снежні 2016 года ўзначаліў сербскі клуб «Напрэдак»^[8]. У маі 2017 года перабраўся ў Саудаўскую Аравію, стаўшы галоўным трэнерам клуба «Аль-Файсалі»^[9]. З лета 2018 года працаваў у ААЭ ў клубе «Аль-Зафра», а з верасня 2020 года ў «Аль-Вахдзе». Пакінуў «Аль-Вахду» ў сакавіку 2021 года.

Летам 2021 года ўзначаліў саудаўскую «Аль-Фейху».