Вуліца Яфрэмава (Гомель)

Вуліца Яфрэмава — вуліца ў паўночнай частцы Гомеля.

Яфрэмава Вуліца Гомель
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Чыгуначны
Гістарычны раён	вёска Ціцянкі
Працягласць	2,12 км
Тралейбусныя маршруты	4, 10, 12, 17, 21
Аўтобусныя маршруты	5, 5А, 12, 25, 25А, 25В, 41, 64, 68, 69
Назва ў гонар	Міхаіл Рыгоравіч Яфрэмаў
Паштовы індэкс	246031, 246035
Медыяфайлы на Вікісховішчы

Вуліца звязвае вуліцу Савецкую і праспект Касманаўтаў. Праходзіць па тэрыторыі Чыгуначнага раёна горада.

Гісторыя і этымалогія назвы

Вуліца названа ў гонар героя Вялікай Айчыннай вайны генерала Яфрэмава. Да 1975 года вуліца Інструментальная былой вёскі Ціцянкі.

Мемарыяльная дошка ўстаноўлена на доме № 4.

Мемарыяльная дошка

Аблічча вуліцы

Першапачаткова вуліца была забудавана прыватнымі індывідуальнымі аднапавярховымі драўлянымі жылымі дамамі. Пазней былі пабудаваны двухпавярховы ведамасны інтэрнат пажарнай аховы (за нумарам 1б, у 1954 годзе), двухпавярховы цагляны жылы дом (за нумарам 80), двухпавярховы інтэрнат аб'яднання «Гомельбудматэрыялы» (за нумарам 63).

З пабудовай Гомельскага завода самаходных камбайнаў ВА «Гомсельмаш» на месцы прыватнай забудовы ў 1980-я гады пачынаюць будавацца дзевяціпавярховы панэльныя дамы, 12-павярховы дом (за нумарам 8) з убудаванымі аб'ектамі сацыяльнай інфраструктуры. У двухпавярховым будынку інтэрната аб'яднання «Гомельбудматэрыялы» размяшчаецца заводаўпраўленне Гомельскага завода самаходных камбайнаў.

Забудова вуліцы шматпавярховымі дамамі ішла ад праспекта Касманаўтаў у бок вуліцы Фадзеева. Разам з жылымі дамамі вуліца паступова забудоўвалася аб'ектамі сацыяльнай інфраструктуры і прамысловасці: дзіцячы сад, універсам, ГСКБ па збожжаўборачнай і кормаўборачнай тэхніцы, а з 1990-х гадоў — рэстаран, кафэ, кулінарыя, Гомельскі гарадскі камбінат школьнага харчавання, фізкультурна-аздараўленчы комплекс.

З 1990-х гадоў дзевяціпавярховымі дамамі (дамы за нумарамі 22, 24, 26) забудоўваецца ўчастак па цотнаму боку вуліцы Яфрэмава ад фізкультурна-аздараўленчага комплексу да скрыжавання з вуліцай Сухога. Далейшая забудова гэтага ўчастка вуліцы працягнулася пасля 2003 года і да 2013 года.

На няцотным участку вуліцы ад скрыжавання з вуліцай Фадзеева і далей у бок вуліцы Савецкай жылой забудовы няма, тут размясціліся вытворчыя корпусы Гомельскага завода самаходных камбайнаў і аб'екты жаночай калоніі ВК-4 дэпартамента выканання пакаранняў МУС РБ.

На вуліцы размешчаны наступныя значныя аб'екты:

• Гомельскі завод самаходных камбайнаў ВА «Гомсельмаш»
• ГСКБ па збожжаўборачнай і кормаўборачнай тэхніцы
• Гомельскі гарадскі камбінат школьнага харчавання
• Пажарная аварыйна-выратавальная частка № 4 МНС РБ
• Аддзяленне паштовай сувязі № 31
• Аддзяленне паштовай сувязі № 35
• Фізкультурна-аздараўленчы комплекс «Бадзёрасць»
• Рэстаран «Галактыка»
• Універсам «Рошчынскі»
• Гандлёвыя рады «Сельмашаўскія»
• Яслі-сад № 150 «Кацюша»
• Пакой школьніка «Ветразь»
• Аддзяленне № 302/12 ААТ «ААБ Беларусбанк»
• ЖЭУ № 6 КЖРЭУП «Сельмашаўскае»
• Апорны пункт аховы правапарадку № 7 Чыгуначнага раёна г.Гомеля

Перасякае вуліцы

• Фадзеева
• Народнага Апалчэння
• Сухога
• Антошкіна
• Герояў-Падпольшчыкаў

Гл. таксама

• Спіс вуліц Гомеля

Літаратура

• Гомель. Энциклопедический справочник. — Мн.: БелСэ, 1991. — 527 с.
• Гомель. Атлас. — Мн.: Белкартография, 2005. — 41 с.