Вяземскі раён (Смаленская вобласць)

У паняцця ёсць і іншыя значэнні, гл. Вяземскі раён.

Вяземскі раён (руск.: Вя́земский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) на ўсходзе Смаленскай вобласці Расійскай Федэрацыі. Адміністрацыйны цэнтр — горад Вязьма.

Вяземскі раён
Герб
Краіна	Расія[1]
Уваходзіць у	Смаленская вобласць (1937—?)
Адміністрацыйны цэнтр	Вязьма
Дата ўтварэння	1929
Насельніцтва	▼69 166 чал. (1 студзеня 2025)[2]
Плошча	3 352,66 км²
Часавы пояс	MSD і UTC+03:00
Тэлефонны код	48131
Афіцыйны сайт (руск.)
Медыяфайлы на Вікісховішчы

Геаграфія

Мяжуе на поўначы з Навадугінскім, на паўночным усходзе з Гагарынскім, на ўсходзе з Цёмкінскім, на поўдні з Угранскім, на паўднёвым захадзе з Дарагабужскім, на захадзе з Сафонаўскім, на паўночным захадзе з Холм-Жыркоўскім раёнамі Смаленскай вобласці. Плошча раёна — 3 352,66 км². На паўночным захадзе раёна (недалёка ад вёскі Мар’іна) знаходзіцца найвышэйшы пункт Смаленскай вобласці і Смаленска-Маскоўскага ўзвышша — 319 м. Па тэрыторыі раёна працякаюць рэкі Вязьма, Осьма, Жыжала. У раёне знаходзіцца водападзел басейнаў рэк Дняпро і Волга. Буйное возера: Сямлёўскае. Глебы ў раёне дзярнова сярэдне- і моцнападзолістыя глебы на лёсападобных суглінках, у паніжэннях — падзоліста-глеевыя глебы. Ёсць радовішчы бурага вугалю. Лясы займаюць 47,2 % тэрыторыі.

Зноскі

1. Geographic Names Server — 2018.

   <a href='https://wikidata.org/wiki/Track:Q1194038'></a>
2. Численность постоянного населения Российской Федерации по муниципальным образованиям на 1 января 2025 года — М.: Росстат, 2025.

   <a href='https://wikidata.org/wiki/Track:Q2624680'></a><a href='https://wikidata.org/wiki/Track:Q133797648'></a>