Вяйнянскі сельсавет

Вяйня́нскі сельсавет — адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — аграгарадок (да 2008 года вёска) Вейна.

Вяйнянскі сельсавет
Краіна	Беларусь
Уваходзіць у	Магілёўскі раён
Уключае	8 населеных пунктаў
Адміністрацыйны цэнтр	Вейна
Дата ўтварэння	22 ліпеня 1960
Насельніцтва (2019)	5 374
Часавы пояс	UTC+03:00
Тэлефонны код	+375 212
Код аўтам. нумароў	6
Афіцыйны сайт

Гісторыя

Утвораны 22 ліпеня 1960 года ў складзе Магілёўскага раёна Магілёўскай вобласці БССР шляхам аб’яднання скасаваных Грабянёўскага і Дарскага сельсаветаў^[1]. 15 студзеня 1965 года з часткі сельсавета зноў утвораны Дарскі сельсавет у складзе 18 населеных пунктаў (Вялікая Бароўка, Гародня, Грышанава, Дары I, Дары II, Зімніца, Кадзіна, Латрошча, Любуж, Малая Бароўка, Мядзвёдаўка, Падбелле, Падгор’е, Раманавічы, Сідараўка, Таранава, Шчэжар I і Шчэжар II)^[2].

Насельніцтва

Насельніцтва сельсавета паводле перапісу 2009 года — 4889 чалавек^[3], з іх 92,9 % — беларусы, 5,1 % — рускія, 1,2 % — украінцы, 0,4 % — армяне^[4]; паводле перапісу 2019 года — 5374 чалавекі^[5].

Склад

У склад сельсавета ўваходзяць 8 населеных пунктаў (2009 г.):

Населены пункт	Статус	Насельніцтва, 2007	Гаспадаркі, 2007	Насельніцтва, 2009[3]
Васход	аграгарадок	1662	604	1775
Вейна	аграгарадок	1717	578	1684
Вільчыцы	вёска	415	196	394
Губанаў	пасёлак	94	33	149
Зацішша	вёска	256	100	227
Навасёлкі	вёска	512	203	483
Палетнікі	вёска	137	57	141
Смалякоў	пасёлак	37	17	36

Скасаваныя населеныя пункты на тэрыторыі сельсавета:

• Зарэкацце — вёска.
• Любаўка — вёска.
• Нехацім’е — пасёлак.

Славутасці

• Пакроўская царква ў аграгарадку Вейна.

Зноскі

1. Рашэнне выканкома Магілёўскага абласнога Савета дэпутатаў працоўных ад 22 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.
2. Рашэнне выканкома Магілёўскага абласнога Савета дэпутатаў працоўных ад 15 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).
3. Насельніцтва населеных пунктаў Магілёўскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Насельніцтва населеных пунктаў Магілёўскай вобласці Беларусі паводле перапісу 2019 года