Вялікая Бароўка

Вялі́кая Баро́ўка^[1] (трансліт.: Vialikaja Baroŭka, руск.: Великая Боровка) — вёска ў Магілёўскім раёне Магілёўскай вобласці. Уваходзіць у склад Кадзінскага сельсавета.

Вёска Вялікая Бароўка Краіна Беларусь Вобласць Магілёўская Раён Магілёўскі Сельсавет Кадзінскі Каардынаты 53°52′33″ пн. ш. 30°27′33″ у. д.HGЯO Насельніцтва ▲260 чал. (2019) Часавы пояс UTC+3 Тэлефонны код +375 222 Паштовыя індэксы 213118 Аўтамабільны код 6 СААТА 7244812006 Вялікая Бароўка Вялікая Бароўка

У паняцця ёсць і іншыя значэнні, гл. Бароўка.

Размешчана за 5 км на ўсход ад Магілёва і чыгуначнай станцыі Лупалава на лініі Магілёў — Крычаў. Рэльеф раўнінны, на поўначы мяжуе з лесам. Транспартныя сувязі па шашы Магілёў — Чавусы, якая праходзіць побач з вёскай^[2].

Гісторыя

Паводле перапісу 1897 года — вёска Бароўка ў Палыкавіцкай воласці Магілёўскага павета Магілёўскай губерні. Побач знаходзіўся хутар^[2].

25 сакавіка 1918 года згодна з Трэцяй Устаўной граматай тэрыторыя абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі ўвайшла ў склад Беларускай ССР, аднак 16 студзеня Масква адабрала яе разам з іншымі этнічна беларускімі тэрыторыямі ў склад РСФСР. З 26 красавіка 1919 года ў Гомельскай губерні РСФСР. У сакавіку 1924 года вёску вярнулі БССР.

У 1929 годзе арганізаваны калгас «Бальшавік»^[2].

Падчас Вялікай Айчыннай вайны з ліпеня 1941 да 27 чэрвеня 1944 года акупіравана нямецка-фашысцкімі захопнікамі^[2].

Да 15 студзеня 1965 года вёска ўваходзіла ў склад Вяйнянскага сельсавета^[3].

У 1990 годзе ў складзе саўгаса «Кадзіна» (цэнтр — вёска Кадзіна). Дзейнічалі вытворчая брыгада, сярэдняя школа, магазін і клуб. У 2007 годзе працаваў магазін^[2].

Планіроўка

Праект планіроўкі і забудовы распрацаваны ў 1984 годзе інстытутам «БелНДІгіпрасельбуд». Планіроўка прамавугольная. Вёска складаецца з працяглай крывалінейнай вуліцы амаль шыротнай арыентацыі, ад якой на поўдзень да шашы адыходзяць дзве кароткія паралельныя вуліцы, злучаныя ў цэнтры кароткай вуліцай. Забудавана двухбакова, шчыльна, пераважна традыцыйнымі драўлянымі дамамі сядзібнага тыпу. На поўдні вядзецца забудова двух- і трохпавярховымі мураванымі дамамі^[2].

Насельніцтва

• XIX стагоддзе:
  • 1897 — вёска: 17 двароў, 123 жыхары; хутар: 7 двароў, 43 жыхары^[2].
  • 1909 — вёска: 28 двароў, 172 жыхары; хутар: 5 двароў, 25 жыхароў^[2].
• XX стагоддзе:
  • 1990 — 148 гаспадарак, 316 жыхароў^[2].
• XXI стагоддзе:
  • 2007 — 10 гаспадарак, 213 жыхароў^[2].