Вялікія Свіранкі

Вялі́кія Свіра́нкі^[1] (трансліт.: Vialikija Sviranki, руск.: Большие Свирянки, польск.: Wielkie Świranki) — вёска ў Астравецкім раёне Гродзенскай вобласці. Уваходзіць у склад Рытанскага сельсавета.

Вёска Вялікія Свіранкі Краіна Беларусь Вобласць Гродзенская Раён Астравецкі Сельсавет Рытанскі Каардынаты 54°50′26″ пн. ш. 26°03′44″ у. д.HGЯO Насельніцтва ▼37 чал. (2019) Часавы пояс UTC+3 Тэлефонны код +375 1591 Аўтамабільны код 4 СААТА 4246820030 Вялікія Свіранкі Вялікія Свіранкі

Вялікія Свіранкі на Вікісховішчы

Гісторыя

Брукаванка ў Вялікіх Свіранках

Ранейшая назва – Свіранкі (Свіраны). Упершыню згадваюцца ў 1453 годзе, калі князь Петка Свірскі фундуе алтар у Свірскім касцёле са сродкаў Свіранскага маёнтка^[2]. У 1454 г. маёнтак — уласнасць Андрэя Даўгірдавіча^[3].

Касцёл Святога Юрыя знаходзіцца ў цэнтры вёскі. На цэнтральнай вуліцы захавалася брукаванка. За вёскай знаходзяцца каталіцкія могілкі з пахаваннямі пачатку XIX ст.

Да 2013 года вёска ўваходзіла ў склад Падольскага сельсавета^[4].

Славутасці

• Касцёл Святога Юрыя ў Вялікіх Свіранках — помнік драўлянага дойлідства ў стылі барока другой паловы XVII ст. Уключаны ў Дзяржаўны спіс гісторыка-культурных каштоўнасцей Рэспублікі Беларусь (шыфр 413Г000731). У склад архітэктурнага ансамбля касцёла ўваходзяць драўляныя будынкі плябаніі і шпіталя, рэшткі званіцы з мураванай агароджай і пахаванні святароў.

• 
  Касцёл Святога Юрыя, зіма 2023 года.
• 
  Касцёл Святога Юрыя, зіма 2023 года.
• 
  Каля касцёла Святога Юрыя
• 
  Касцёл Святога Юрыя, від збоку, 2018 год.
• 
  Аўтобусны прыпынак у Вялікіх Свіранках.