Вялікі Енісей

Вялікі Енісей (тув.: Бии-Хе́м) — рака ў Рэспубліцы Тува, правы выток Енісея. Назва ракі Бій-Хем у перакладзе з тувінскай азначае «вялікая рака».

Вялікі Енісей
Характарыстыка
Даўжыня	605 км
Басейн	56 800 км²
Расход вады	584 м³/с
Вадацёк
Выток
• Каардынаты	52°19′18″ пн. ш. 98°29′32″ у. д.HGЯO
Вусце	Енісей
• Каардынаты	51°43′47″ пн. ш. 94°27′19″ у. д.HGЯO
Размяшчэнне
Водная сістэма	Енісей → Карскае мора
Краіна	Расія
Код у ДВР	17010100112116100000027
— выток, — вусце
Медыяфайлы на Вікісховішчы

Даўжыня — 605 км, плошча басейна — 56800 км². Суднаходная на 285 км ад вусця. Бярэ пачатак з возера Кара-Балык. Мае шмат прытокаў, з якіх найбольш буйныя правыя Таара-Хем, Хамсара, Сыстыг-Хем. Басейн Вялікага Енісея — горная вобласць, межы якой на поўначы і ўсходзе з’яўляюцца адміністрацыйнымі межамі Тувы з Бураціяй, Іркуцкай вобласцю і Краснаярскім краем. У ніжнім цячэнні працякае па Тувінскай катлавіне. Ля горада Кызыла зліваецца з Каа-Хемам, утвараючы Улуг-Хем, які з’яўляецца фактычна пачаткам Верхняга Енісея.

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).