Віві (возера)

Ві́ві (руск.: Ви́ви^[1]) — возера ў Эвенкійскім раёне Краснаярскага края Расіі, на Сярэднесібірскім пласкагор’і, у паўднёва-заходняй частцы плато Путарана.

Віві
Виви
Морфаметрыя
Вышыня над узроўнем мора	255 м
Плошча	229 км²
Сярэдняя глыбіня	80-200 м
Басейн
Плошча вадазбору	3260 км²
Выцякаюць	Віві
Размяшчэнне
Краіна	Расія
Рэгіён	Краснаярскі край
Віві
Віві
Ідэнтыфікатары
ДВР	17010700311116100002183

Плошча паверхні 229 км². Плошча вадазбору 3260 км². Катлавіна возера мае ледавікова-тэктанічнае паходжанне^[2]. У Віві ўпадаюць больш за 30^[2] рэк, выцякае рака Віві (прыток Ніжняй Тунгускі). Возера багата рыбай. Навокал возера — лістоўніцкая тайга.

Пасля распаду СССР акадэмік Пётр Бакут вылічыў геаграфічны цэнтр Расіі, гэта паўднёва-ўсходні бераг возера. У гонар гэтага там пабудаваны крыж вышынёю 7 м.

Заўсёднага насельніцтва на беразе возера няма.

Зноскі

1. Большой энциклопедический словарь: В 2-х т. / Гл. ред. А.М. Прохоров. — М.: Сов. энциклопедия, 1991. — Т. 1. — С. 216. — 863 с. — 2 000 000 экз. — ISBN 5-85270-042-8 (т. 1.). (руск.)
2. Измайлова А. В. Виви // Научно-популярная энциклопедия «Вода России» (руск.)