Віктар Іосіфавіч Гідрановіч

Віктар Іосіфавіч Гідрановіч (нар. 2 снежня 1938, в. Карысць, Салігорскі раён, Мінская вобласць) — беларускі біяхімік. Доктар біялагічных навук (1988), прафесар (1989).

Віктар Іосіфавіч Гідрановіч
Дата нараджэння	2 снежня 1938(1938-12-02) (86 гадоў)
Месца нараджэння	Карысць, Зажэвіцкі сельсавет, Старобінскі раён, Менская вобласць, Беларуская ССР, СССР
Месца працы	Віцебская дзяржаўная акадэмія ветэрынарнай медыцыны Віцебскі дзяржаўны ўніверсітэт імя П. М. Машэрава Віцебскі дзяржаўны медыцынскі ўніверсітэт
Навуковая ступень	доктар біялагічных навук (1988)
Навуковае званне	прафесар (1989)
Альма-матар	Біятэхналагічны факультэт ВДАВМ (1959)

Біяграфія

Скончыў у 1959 годзе заатэхнічны факультэт Віцебскага ветэрынарнага інстытута, у 1965 годзе аспірантуру.

У 1959—1963 гадах старшы навуковы супрацоўнік Віцебскай абласной сельскагаспадарчай доследнай станцыі, у 1969—1998 гадах прафесар кафедры арганічнай і біялагічнай хіміі, у 1971—1998 гадах загадчык кафедры Віцебскай дзяржаўнай акадэміі ветэрынарнай медыцыны, у 1966—1969 гадах дацэнт кафедры хіміі, дэкан біёлага-хімічнага факультэта, у 1998—2009 — гадах прафесар кафедры хіміі Віцебскага дзяржаўнага ўніверсітэта імя П. М. Машэрава, з 2009 года прафесар кафедры арганічнай хіміі Віцебскага дзяржаўнага медыцынскага ўніверсітэта.

Навуковыя інтарэсы: вывучэнне вугляводнага абмену ў эндакрыннай сістэме жывёл; методыка выкладання біяарганічнай хіміі.

Зноскі