Віктар Сукеніцкі

Віктар Сукені́цкі^[3] (польск.: Wiktor Sukiennicki; 25 ліпеня 1901 — 10 мая 1983) — польска-амерыканскі гісторык, палітолаг, юрыст, публіцыст, доктар права (1927).

Віктар Сукеніцкі
польск.: Wiktor Sukiennicki
Дата нараджэння	25 ліпеня 1901(1901-07-25)
Месца нараджэння	Аляксотас[d], Коўна
Дата смерці	10 красавіка 1983(1983-04-10) (81 год)
Месца смерці	Стэнфард, акруга Санта-Клара, Каліфорнія, ЗША або Маўнтын-В’ю, акруга Санта-Клара, Каліфорнія, ЗША
Грамадзянства	Польшча[1]
Род дзейнасці	гісторык, палітолаг, юрыст, публіцыст
Навуковая сфера	права[2] і тэорыя дзяржавы і права[d][2]
Месца працы	Віленскі ўніверсітэт Радыё Свабодная Еўропа/Радыё Свабода Оксфардскі ўніверсітэт Лонданская школа эканомікі і палітычных навук Інстытут Гувера[d]
Навуковая ступень	прафесар і доктар права[d] (1925)
Член у	Польскае таварыства мастацтваў і навук за мяжой[d]
Медыяфайлы на Вікісховішчы

Біяграфія

Нарадзіўся ў прадмесці Каўнаса Аляксота^[4] (літ.: Aleksotas). Скончыў юрыдычны факультэт Універсітэта імя Стэфана Баторыя ў Вільні. У 1925 годзе абараніў ступень доктара ў галіне міжнароднага права ў Парыжскім універсітэце (Сарбона)^[5]. Член польскай арганізацыі вайсковай у Каўнасе, добраахвотнік польска-савецкай вайны 1919—1921 гадоў^[5]. У 1929—1939 гадах чытаў лекцыі па тэорыі права ва Універсітэце імя Стэфана Баторыя. Дацэнт Навукова-даследчага інстытута Усходняй Еўропы пры ўніверсітэце^[3]. Займаўся адвакацкай практыкай^[4]. З 1934 года Віктар Сукеніцкі знаходзіўся на навуковай стажыроўцы ў СССР^[3]. У 1941^[3][5] годзе быў арыштаваны органамі НКУС і сасланы ў працоўны лагер у Краснаярскі край. У 1942 годзе быў вызвалены і працаваў першым сакратаром^[5] пасольства Рэспублікі Польшча ў СССР (у горадзе Куйбышаў^[5]). У верасні 1942 года пераехаў у Тэгеран, дзе працаваў у пасольстве^[5]. З 1943 года Віктар Сукеніцкі ў Вялікабрытаніі, выкладаў у польскім універсітэце ў Оксфардзе і Лонданскай школе эканомікі і палітычных навук. У 1952—1959 гадах быў аналітыкам і рэдактарам «Радыё Свабодная Еўропа». У 1959 годзе Віктар Сукеніцкі эміграваў у ЗША. Працаваў навуковым супрацоўнікам у Гувераўскім інстытуце пры Стэнфардскім ўніверсітэце (Каліфорнія).

Працы

Аўтар прац «Эвалюцыя ладу Саюза Савецкіх Сацыялістычных рэспублік» (Ewolucja ustroju ZSRR, т. 1—3, Лондан, 1938—1939), «Прычыны і пачатак польска-савецкай вайны, 1919—1921» (Лондан, 1963), «Партыя, яе роля і значэнне ў СССР» (Partia, jej rola i znaczenie w ZSRR, 1949), «Усходне-Цэнтральная Еўропа ў час Першай сусветнай вайны» (East Central Europe in War World I, т. 1—2, ЗША, 1984) і інш. Пад кіраўніцтвам В. Сукеніцкага было таксама падрыхтавана выданне «Факты і дакументы аб польскіх вязнях вайны, захопленых СССР у ходзе кампаніі 1939 г.» (Facts and Documents Concerning Polish Prisoners of War Captured by thе U.S.S.R. during the 1939 Campaign)^[5].

Зноскі

1. Bibliothèque nationale de France data.bnf.fr: платформа адкрытых даных — 2011. Праверана 26 сакавіка 2017.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
2. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
3. БелЭн 2002.
4. Sukiennicki Wiktor // Internetowa encyklopedia PWN (польск.)
5. Корнилова О. В. Польские отрицатели Катыни и «Нюрнберг» для Сталина в антироссийской политике Великобритании и США // Наука. Общество. Оборона — 2022. — Т. 10. — № 3 (32). — С. 19—19. (руск.)