Віктар Уладзіміравіч Грузінскі

Віктар Уладзіміравіч Грузінскі^[1] (21 жніўня 1933, Слуцк — 7 ліпеня 1997) — фізік, доктар фізіка-матэматычных навук (1983), прафесар (1985).

Віктар Уладзіміравіч Грузінскі
Дата нараджэння	21 жніўня 1933(1933-08-21)
Месца нараджэння	Слуцк, Слуцкі раён, Беларуская ССР, СССР
Дата смерці	7 ліпеня 1997(1997-07-07) (63 гады)
Грамадзянства	СССР  Беларусь
Род дзейнасці	фізік
Навуковая сфера	фізіка
Месца працы	БДУ Інстытут фізікі імя Б. І. Сцяпанава НАН Беларусі
Навуковая ступень	доктар фізіка-матэматычных навук
Навуковае званне	прафесар[d]
Альма-матар	фізіка-матэматычны факультэт БДУ Школа № 5 (Слуцк)[d] БДУ
Навуковы кіраўнік	Мікалай Аляксандравіч Барысевіч
Прэміі
Узнагароды

Біяграфія

Нарадзіўся ў Слуцку. Скончыў сярэднюю школу, у 1957 годзе фізіка-матэматычны факультэт Беларускага дзяржаўнага ўніверсітэта. З 1957 г. пачаў працу ў Інстытуце фізікі і матэматыкі АН БССР пад кіраўніцтвам М. А. Барысевіча^[2]. З 1983 г. загадчык кафедрай агульнай фізікі БДУ. Таксама быў загадчыкам лабараторыі спектраскапіі Інстытута малекулярнай і атамнай фізікі Нацыянальнай акадэміі навук Беларусі^[2].

Навуковая і грамадская дзейнасць

Навуковую дзейнасць В. У. Грузінскі пачаў у Інстытуце фізікі і матэматыкі яшчэ ў час вучобы на 3-м курсе БДУ^[2]. Яму належаць навуковыя працы па спектраскапіі і люмінесцэнцыі складаных малекул, фізіцы газавых лазераў і лазераў на складаных арганічных злучэннях. Вучонаму належаць больш за 200 публікацый, 13 аўтарскіх пасведчанняў, больш 100 дакладаў на навуковых канферэнцыях^[2].

З’яўляўся членам рэдакцыйнай калегіі выданняў «Журнал прикладной спектроскопии» і «Вестник БГУ. Сер. 1. Физика. Математика. Механика», старшынёй секцыі фізікі навукова-тэхнічнага савета Міністэрства вышэйшай адукацыі, кіраваў рэгіянальным навукова-метадычным саветам выкладчыкаў фізікі ВНУ^[2].

Узнагароды

• Ленінская прэмія 1980 г. за цыкл работ «Спектроскопия свободных сложных молекул».
• Дзве Ганаровыя граматы Вярхоўнага Савета БССР,
• медалі.

Зноскі

1. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5.
2. Виктор Владимирович Грузинский (1933—1997) // Сайт Нацыянальнай акадэміі навук Беларусі