Віктар Яўсеевіч Ермакоў

Віктар Яўсеевіч Ермако́ў^[1] (руск.: Виктор Евсеевич Ермаков; 24 жніўня 1928 — 16 студзеня 2016^[2]) — вучоны ў галіне лясной таксацыі і лесаўпарадкавання, доктар сельскагаспадарчых навук (1983), прафесар (1986). Заслужаны лесавод Беларускай ССР (1991). Акадэмік Украінскай лясной акадэміі (1993).

Віктар Яўсеевіч Ермакоў
руск.: Виктор Евсеевич Ермаков
Дата нараджэння	24 жніўня 1928(1928-08-24)
Месца нараджэння	Пажар, Панятоўскае сельскае паселішча[d], Шумяцкі раён, СССР
Дата смерці	16 студзеня 2016(2016-01-16) (87 гадоў)
Грамадзянства	СССР  Беларусь
Род дзейнасці	навуковец
Навуковая сфера	лесаўпарадкаванне і таксацыя
Месца працы	Беларускі дзяржаўны тэхналагічны ўніверсітэт
Навуковая ступень	доктар сельскагаспадарчых навук
Навуковае званне	прафесар
Альма-матар	Беларускі лесатэхнічны інстытут імя С. М. Кірава (1952)
Узнагароды	Заслужаны лесавод БССР[d] (1981) За выдатныя поспехі ў працы[d] (1971)

У Вікіпедыі ёсць артыкулы пра іншых людзей з прозвішчам Ермакоў.

Біяграфія

Нарадзіўся ў вёсцы Пожар (зараз у Шумяцкім раёне Смаленскай вобласці Расіі). Скончыў школу ў Шумячах і ў 1947 годзе паступіў Беларускі лесатэхнічны інстытут (сучасны Беларускі дзяржаўны тэхналагічны ўніверсітэт), лесагаспадарчы факультэт якога скончыў у 1952 годзе. Працаваў ва ўніверсітэце да восені 2014 года^[2]. З 1960 года займаў пасаду дацэнта кафедры лясной таксацыі, у 1977—1991 гадах — яе загадчыка^[2].

Навуковая дзейнасць

Аўтар навуковых прац па прадукцыйнасці і гаспадарчай ацэнцы лясоў Беларусі з улікам умоў іх росту і ўзроставай дынамікі, у тым ліку 5 падручнікаў па лесаўпарадкаванню, манаграфіі «Особенности лесоустройства на почвенно-типологической основе», 180 артыкулаў.

Сярод апублікаванага:

• Справочник таксатора. 2-e изд., перераб. и доп. / В. С. Мирошников, О. А. Трулль, В. Е. Ермаков и др. — Мн.: Ураджай, 1980. — 359 с.; 17 см;
• Основы природопользования. — Мн., 1980. (у сааўтарстве);
• Справочник работника лесного хозяйства. — Мн., 1986. (у сааўтарстве)
• Лесная таксация и лесоустройство: учебник для средних специальных учебных заведений — Минск: Дизайн ПРО, 2004. — 295 с. — ISBN 985-452-082-X
• Целевые видовые составы лесов Республики Беларусь в проблеме «Леса будущего» // Труды БГТУ. — Минск: БГТУ, 2013. — № 1. — С. 20—22.

Узнагароды і званні

• Заслужаны лесавод БССР (1981)
• Акадэмік Лясной акадэміі Украіны (1993).
• Акадэмік Інжынернай акадэміі Рэспублікі Беларусь (2000)
• Нагрудны знак Міністэрства адукацыі СССР «За выдатныя поспехі ў працы» (1971)
• Нагрудны знак Усесаюзнага аб’яднання «Леспраект» «Заслужаны лесаўпарадкавальнік СССР» (1980)
• Нагрудны знак Міністэрства адукацыі Рэспублікі Беларусь «Выдатнік адукацыі Рэспублікі Беларусь» (2000)
• Шэраг ганаровых грамат

Зноскі

1. Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6.
2. Белорусская лесная газета, № 14 (1088) 07 апреля 2016. Архівавана 18 чэрвеня 2020. (руск.)