Віленская брама (Слуцк)

Віленская брама, часам Ільінская брама — адна з чатырох брам горада-крэпасці Слуцка, з’яўлялася адным з трох уездаў у Стары горад. Існавала, верагодна, з часоў Алелькавічаў^[1]. Размяшчалася ў заходняй частцы горада, да яе ад цэнтра горада вяла вуліца Віленская, ад якой брама і атрымала сваю назву^[1]. З-за таго, што побач з Віленскай брамай знаходзіўся Ільінскі манастыр, вуліцу і браму часам называлі Ільінскімі^[1]. Дарога ад Віленскай брамы, мінуючы прадмесце Трайчаны, вяла да Нясвіжа^[2].

Славутасць
Віленская брама
Краіна	Беларусь
Месцазнаходжанне	Слуцк

У паняцця ёсць і іншыя значэнні, гл. Віленская брама.

Віленская брама ў сістэме ўмацаванняў Новага горада

Архітэктура

Віленская брама ўяўляла сабой мураваную пабудову, памеры якой у плане складалі 25,6 на 36,6 метра^[2]. Перад брамай пасярэдзіне рова быў насыпаны равелін. На равелін з брамы і з боку поля пад вуглом адзін да аднаго былі перакінуты масткі. Масток, які прылягаў да брамы, быў пад’ёмным. Сама брама зачыняліся аббітымі жалезам драўлянымі створамі^[1].

Зноскі

1. Ігар ЦІТКОЎСКІ. Была цытадэль на Случы
2. Ціткоўскі І. А. Помнікі архітэктуры Слуцка. Слуцк, 1997. С. 49-50. ISBN 985-6219-09-4