Вільгельм Кемпф

Вільгельм Кемпф (ням.: Wilhelm Kempff; 25 лістапада 1895, Ютэрбог — 23 мая 1991, Пазітана) — сусветна вядомы нямецкі піяніст і кампазітар.

Вільгельм Кемпф
ням.: Wilhelm Kempff
Асноўная інфармацыя
Дата нараджэння	25 лістапада 1895(1895-11-25)[1][2][…]
Месца нараджэння	Ютэрбаг[d], Kreis Jüterbog[d], акруга Патсдам, ГДР[3]
Дата смерці	23 мая 1991(1991-05-23)[2][4][…] (95 гадоў)
Месца смерці	Пазітана[d], правінцыя Салерна, Кампанія, Італія[3]
Краіна	Германія[3]
Дзеці	Diana Kempff[d]
Альма-матар	Універсітэт Эрлангена — Нюрнберга
Музычная дзейнасць
Педагог	Robert Kahn[d] і Karl Heinrich Barth[d]
Прафесіі	Піяніст, кампазітар
Гады актыўнасці	1911—1974
Інструменты	Фартэпіяна
Жанры	Класічная музыка
Выхаванцы	Marie-Françoise Bucquet[d]
Грамадская дзейнасць
Член у	Баварская акадэмія прыгожых мастацтваў[d]
Узнагароды
Медыяфайлы на Вікісховішчы
Wilhelm Kempff (ням.)

Біяграфія

Нарадзіўся ў наваколлях Берлін а ў сям'і дырэктара каралеўскай музыкі, арганіста царквы Св. Мікалая. Яго дзядуля таксама быў арганістам, а брат Георг стаў дырэктарам духоўнай музыкі ў Эрлангенскім універсітэце.

Усё жыццё канцэртаваў у розных частках свету. Так, з 1936 па 1979 гады ён 10 раз наведаў Японію, за што невялікі японскі востраў назвалі Кемпу-Сан у яго гонар. Свой апошні канцэрт ён даў у Парыжы ў 1981 годзе.

Меў пецярых дзяцей.

Памёр у Пазітана, Італія ва ўзросце 95 гадоў.

Творчасць

Вільгельм Кемпф рупліва запісваўся на працягу шасцідзесяці гадоў. Да гэтага часу не страцілі сваё значэнне яго пласцінкі, дзе гучыць музыка Бетховена, Шумана, Брамса, Шуберта, Моцарта, Баха, Ліста, Шапена. Вільгельм Кемпф упершыню ажыццявіў поўны запіс санат Франца Шуберта, і тым самым спрыяў іх папулярнасці. Санаты Бетховена ён апошні раз перапісаў у 1964—1965 гадах у сувязі з укараненнем тэхнікі стэрэа. Падобнае ж адбылося і з яго запісамі канцэртаў Бетховена: дзеля стэрэа-эфекту ён перазапісаў іх з Фердынандам Ляйтнерам.

Камерная музыка прадстаўлена ў рэпертуары Кемпфа сумесна з Егудзі Мянухіным, П'ерам Фар'е, Вольфгангам Шнайдэрханам, Паўлем Грумерам і інш. Для сваіх калегаў Кемпф быў узорам пачуцця рытму.

Значэнне

РРаспавядаюць, што калі Кемпф быў у Фінляндыі, кампазітар Ян Сібеліус папрасіў яго сыграць Hammerklavier з 29-ай санаты Бетховена. Калі ж Кемпф скончыў, Сібеліус звярнуўся да яго з словамі: «Не, Вы гралі гэта не як піяніст, Вы гралі… як чалавек».

Зноскі

1. Wilhelm Kempff // Берлінская акадэмія мастацтваў — 1993. Праверана 9 кастрычніка 2017.

   <a href='https://wikidata.org/wiki/Track:Q414110'></a>
2. Wilhelm Walter Friedrich Kempff // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
3. Anguera J. E. Enciclopedia universal ilustrada europeo-americana — Editorial Espasa, 1905. — Vol. Suplemento 1993 - 1994. — P. 126. — ISBN 978-84-239-4500-9

   <a href='https://wikidata.org/wiki/Track:Q4889455'></a><a href='https://wikidata.org/wiki/Track:Q17629741'></a><a href='https://wikidata.org/wiki/Track:Q610760'></a>
4. Wilhelm Kempff // Gran Enciclopèdia Catalana — Grup Enciclopèdia, 1968.

   <a href='https://wikidata.org/wiki/Track:Q18696256'></a><a href='https://wikidata.org/wiki/Track:Q2664168'></a>