Вішнеўскае

Ві́шнеўскае^[1] — возера ў Беларусі, у Вілейскім раёне Мінскай вобласці на мяжы з Мядзельскім раёнам Мінскай вобласці і Смаргонскім раёнам Гродзенскай вобласці. Знаходзіцца за 32 км на паўночны захад ад Вілейкі, каля вёскі Вішнева. Належыць да групы Свірскіх азёр.

Вішнеўскае
Бераг возера
Морфаметрыя
Вышыня над узроўнем мора	152 м
Даўжыня	4,38 км
Шырыня	3,52 км
Плошча	9,97 км²
Аб’ём	0,01979 км³
Даўжыня берагавой лініі	13,6 км
Сярэдняя глыбіня	6,3 м
Гідралогія
Салёнасць	0,245 ‰
Басейн
Плошча вадазбору	56,2 км²
Упадаюць	ручаі
Выцякаюць	Смолка
Размяшчэнне
Краіна	Беларусь
Рэгіён	Мінская вобласць
Вішнеўскае
Вішнеўскае
Медыяфайлы на Вікісховішчы

Назва

Назва Вішнеўскага возера пазнейшая, утвораная ад назвы вёскі Вішнева на яго беразе.^{[крыніца?]} З возера выцякае рэчка з балцкай назвай Спягліца (< Спягла < *Spenglà^[2]). Найімаверней, Вішнеўскае возера раней таксама мела назву тыпу *Spengla.^{[крыніца?]}

Адпаведнік такой назве — назва літоўскага возера Spenglà на Аўкштойцкім Паазер’і^[3]. Яна сягае часоў пасляледавікоўя, калі ледавіковыя азёры рабіліся меншыя, зарасталі, іх плошча сціскалася. Назва звязана з літоўскім spangti «слепнуць; пачаць горш бачыць».^{[крыніца?]}

Так жа сама матываваная і назва недалёкага ад Вішнеўскага возера Бляда (< Blendà), ад blandas «пахмурнасць; зацямненне (вачэй ці розуму)», blęsti (blendė) «замешваць; муціць; пахмурнець».^{[крыніца?]}

Назва *Spengla ўтвораная з дапамогай пашыральніка -l-, які таксама ў назвах Іслач (< Is-l-ak-), Несла.^{[крыніца?]}

Значэнне назвы *Спягла можна напрамую перадаць як «Сляпое (возера)».^{[крыніца?]}

Гідраграфія

Возера знаходзіцца ў басейне ракі Страча. Плошча возера Вішнеўскае складае 9,97 км². Найбольшая глыбіня возера — 6,3 м. Даўжыня возера — 4,38 км, найбольшая шырыня — 3,52 км. Даўжыня берагавой лініі — 13,6 км. Аб’ём вады ў возеры складае 19,79 млн м³, плошча вадазбору — 56,2 км². Салёнасць вады — 0,245^[1] г/л.

Схілы катлавіны возера маюць вышыню 2—3 м, знаходзяцца пад хваёвым лесам. Берагі нізкія, часта забалочаныя і затарфаваныя, знаходзяцца пад хмызняком. На поўдні і захадзе берагі высокія. Пойма мае шырыню 5—50 м, забалочаная і знаходзіцца пад хмызняком. Дно вадаёма плоскае, да глыбіні 1,5 м высланае пяском і глеем, на большых глыбінях — сапрапелем.

Упадаюць 5^[1] ручаёў. На поўначы з возера выцякае рака Смолка, якая злучае Вішнеўскае з возерам Свір.

Экалогія

Паласа прыбярэжнай расліннасці складае 100—800 м, расліннасць пашыраная да глыбіні 2 м. Возера эўтрофнае, слабапраточнае.

У культуры

Вакол возера існуюць легенды і паданні. Адно з іх^[4] запісаў вілейскі краязнаўца Ігар Кіцікаў.