Няслаўка

Няслаўка, Неслаўка, Несла — рака ў Акцябрскім і Петрыкаўскім раёнах Гомельскай вобласці, левы прыток ракі Пціч.

Няслаўка
Характарыстыка
Даўжыня	20 км
Басейн	110 км²
Вадацёк
Выток
• Месцазнаходжанне	за 1,8 км на паўночны ўсход ад вёскі Ніўнае
• Каардынаты	52°34′30,21″ пн. ш. 29°02′22,60″ у. д.HGЯO
Вусце	Пціч
• Месцазнаходжанне	за 0,5 км на ўсход ад вёскі Хвойня
• Каардынаты	52°30′24,2″ пн. ш. 28°48′01,52″ у. д.HGЯO
Размяшчэнне
Водная сістэма	Пціч → Прыпяць → Дняпро → Чорнае мора
Краіна	Беларусь
Рэгіён	Гомельская вобласць
Раёны	Акцябрскі раён, Петрыкаўскі раён
выток вусце
— выток, — вусце

Назва

На думку У. Тапарова, гідранімічны аналаг назвы Няслаўка — назва ракі Несла (левы прыток Прыпяці) і назва прыпяцкай ракі Неслуха. Верагодна, з балц. Лер-Сплавінскі тлумачыць як слав. *ne-slov- < *k'leu-^[1].

Той жа пашыральнік -l- у першай аснове *Is-l- двухасноўнай назвы ракі Іслач (< Is-l-, Ak-). Яго вакалізаваны варыянт -el- у назвах *Скідзела, Зецела, Ясельда (< *Jas-el-, -(U)da).^{[крыніца?]}

Корань *Nes- дастаткова папулярны ў старабалцкай гідраніміі Верхняга Падняпроўя.^{[крыніца?]}

Корань *Nes- таксама ў назвах Нес(с)а^[ru][2] (у басейне дзесенскай ракі Нярусы), у назвах бярэзінскага прытока Нясета, пціцкага прытока Нясетня (< *Nes-et-)^[3].

Гідраграфія

Даўжыня ракі 20^[4] км. Плошча вадазбору 110 км². Пачынаецца за 1,8 км на паўночны ўсход ад вёскі Ніўнае Акцябрскага раёна, вусце за 0,5 км на ўсход ад вёскі Хвойня Петрыкаўскага раёна. Рэчышча каналізаванае.