Віктар Паўлавіч Сільноў

Віктар Паўлавіч Сільноў (21 верасня 1911, Баранавічы, Брэсцкая вобласць — 1 лютага 1972) — беларускі інжынер-будаўнік.

Віктар Паўлавіч Сільноў
Дата нараджэння	21 верасня 1911(1911-09-21)
Месца нараджэння	Баранавічы, Навагрудскі павет, Мінская губерня, Расійская імперыя
Дата смерці	1 лютага 1972(1972-02-01) (60 гадоў)
Грамадзянства	Беларуская ССР
Род дзейнасці	інжынер у цывільным будаўніцтве
Месца працы	Мінскі гаркамгас[d] Міністэрства сельскай гаспадаркі БССР Дзіпрасельбуд
Альма-матар	БПІ (1937)
Партыя	КПСС
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР

У Вікіпедыі ёсць артыкулы пра іншых людзей з прозвішчам Сільноў.

Біяграфія

Нарадзіўся ў сям’і Паўла Сільнова. Меў брата Якава.

Скончыў Беларускі політэхнічны інстытут у 1937 годзе. Удзельнік Вялікай Айчыннай вайны. Працаваў у Мінгаркамгасе, Міністэрстве сельскай гаспадаркі БССР, з 1949 па 1968 г. — інжынерам, начальнікам аддзела, галоўным інжынерам Белсельпраекта, Белдзіпрасельбуда^[1].

Член Саюза архітэктараў СССР з 1967 года. Член КПСС з 1944 года^[1].

Творчасць

Асноўныя працы (у аўтарскім калектыве): тыпавыя праекты машынна-трактарных станцый (1950—1956), дзіцячых устаноў для будаўніцтва ў сельскай мясцовасці (1956) для БССР, праекты Смалявіцкай бройлернай фабрыкі (1963—1966), 1-й Мінскай птушкафабрыкі (1966)^[1].

Узнагароды

Узнагароджаны ордэнам Працоўнага Чырвонага Сцяга, Граматай Прэзідыума Вярхоўнага Савета БССР, медалямі^[1].

Сям’я

У шлюбе з Ідай Каган меў сына Юлія і дачку Ірыну (у замужжы Бранзбург).

Зноскі

1. Сильнов Виктор Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)