Габес (заліў)

У паняцця ёсць і іншыя значэнні, гл. Габес.

Габе́с (араб. خليج قابس‎) — заліў Міжземнага мора ля паўночнага берага Афрыкі, у старажытныя часы называўся Малы Сірт. Абмывае тэрыторыю Туніса.

Габес
ар. خليج قابس
Погляд на заліў Габес з космасу
34°03′54″ пн. ш. 10°22′08″ у. д.HGЯO
Краіна	Туніс
Сярэдняя велічыня прыліва	0,4 м
Найбольшая глыбіня	каля 50 м
Медыяфайлы на Вікісховішчы

Распасціраецца больш чым на 100 км і мае глыбіню каля 50 м. Даўжыня заліва 41 км, шырыня каля 68 км^[1][2]. У паўднёвай частцы ўваходу ў заліў размешчаны востраў Джэрба, а ў паўночнай — архіпелаг Керкена. Прылівы ў заліве паўсутачныя, амплітудай да 0,4 м. Тэмпература вады ў заліве вагаецца ад 14 да 29 °C.

На паўднёвым беразе заліва знаходзіцца буйны прамысловы і партовы цэнтр паўднёвага Туніса — горад Габес. На паўночным беразе размешчаны яшчэ адзін буйны горад-порт Сфакс. У заліве моцна развіта рыбалоўства — у горадзе Габес знаходзіцца каля 60 % туніскага рыбалоўнага флоту.

Гл. таксама

• Вялікі Сірт

Зноскі

1. Большая советская энциклопедия. — М.: Советская энциклопедия 1969—1978. (руск.)
2. Африка: энциклопедический справочник. Т. 1. А—К / Гл. ред. А. Громыко. Ред. колл. В. М. Власов, Н. И. Гаврилов и др. — М.: Советская энциклопедия, 1986. — С. 403. — 672 с. с илл. (руск.)