Галіна Аляксандраўна Трушнікава

Галіна Аляксандраўна Трушнікава (нар. 7 снежня 1931, Смаленск) — беларускі архітэктар.

Галіна Аляксандраўна Трушнікава
Дата нараджэння	7 снежня 1931(1931-12-07) (93 гады)
Месца нараджэння	Смаленск, Заходняя вобласць, РСФСР, СССР
Альма-матар	Маскоўскі архітэктурны інстытут (1956)
Месца працы	Белдзяржпраект БНТУ
Член у	Саюз архітэктараў СССР Беларускі саюз архітэктараў

Біяграфія

Скончыла Маскоўскі архітэктурны інстытут у 1956 годзе. Працавала ў Белдзяржпраекце, з 1967 года — асістэнт, старшы выкладчык кафедраў архітэктуры, горадабудаўніцтва Беларускага політэхнічнага інстытута.

Член Саюза архітэктараў СССР з 1960 года. Пражывала ў Мінску.

Творчасць

Асноўныя працы: праект планіроўкі і забудовы кварталаў № 9 і 10 у Паўночным пасёлку ў Мінску (1957), ПДП мікрараёна Мір-1 у Магілёве (1965), генплан горада (1963), ПДП Паўночнага жылога раёна (1964) у Пінску; у аўтарскім калектыве: ПДП 1-й чаргі будаўніцтва Ленінскага праспекта (1959) у Мінску, ПДП жылых раёнаў і праект забудовы мікрараёна № 1 у Светлагорску (1962), ПДП Цэнтральнага раёна Брэста (1968).

Аўтар публікацый, метадычных прац.

Узнагароды

1—2-я прэміі за праект забудовы мікрараёна Усход (1963), 2-я прэмія за праект эксперыментальнага раёна па праспекце Машэрава (1978) у Мінску.

Зноскі