Галіна Гаўрылаўна Азгур

У Вікіпедыі ёсць артыкулы пра іншых людзей з прозвішчам Азгур.

У Вікіпедыі ёсць артыкулы пра іншых людзей з прозвішчам Гарэлава.

Галіна Гаўрылаўна Азгур (у дзявоцтве Гарэлава; 2 ліпеня 1921(1921-07-02), Пакроўскае^[d], Маскоўская губерня — 12 жніўня 2015(2015-08-12)^[1], Мінск) — беларускі мастак-жывапісец, жонка скульптара Заіра Азгура^[2].

Галіна Гаўрылаўна Азгур
Імя пры нараджэнні	Галіна Гаўрылаўна Гарэлава
Дата нараджэння	2 ліпеня 1921(1921-07-02)
Месца нараджэння	Пакроўскае[d], Валакаламскі павет[d], Маскоўская губерня, РСФСР[d]
Дата смерці	12 жніўня 2015(2015-08-12)[1] (94 гады)
Месца смерці	Мінск, Беларусь
Грамадзянства	СССР  Беларусь
Бацька	Гаўрыіл Мікіціч Гарэлаў[d]
Муж	Заір Ісакавіч Азгур
Род дзейнасці	мастачка, скульптарка
Жанр	партрэт і пейзаж
Вучоба	Маскоўскае абласное мастацкае педагагічнае вучылішча выяўленчых мастацтваў памяці паўстання 1905 года (1942)
Мастацкі кірунак	рэалізм
Уплыў	Васіль Бакшэеў
Член у	Саюз мастакоў БССР

Біяграфія

Нарадзілася 2 ліпеня 1921 года ў с. Пакроўскае Маскоўскай губерні ў сям’і расійскага мастака-рэаліста Гаўрылы Гарэлава. Першапачатковую мастацкую адукацыю атрымала ў свайго бацькі. Браты Галіны — Расціслаў  (руск.) і Юрый таксама сталі мастакамі.

У 1942 годзе скончыла Маскоўскае мастацкае вучылішча памяці 1905 года. Яе настаўнікам быў выбітны мастак-пейзажыст Васіль Бакшэеў  (руск.)^[3].

У 1945 годзе пабралася шлюбам з Заірам Азгурам і пераехала ў Мінск. Член Беларускага саюза мастакоў з 1946 года. Актыўны ўдзел у мастацкіх выстаўках брала з 1947 года^[3].

Памерла 12 жніўня 2015 года ў Мінску.

Творчасць

Працавала ў станковым жывапісе ў галіне лірычнага пейзажа. Асноўныя творы: палотны «Жніво», «Вясна», «Канец сакавіка», «Вечар. Май», «Яшчэ бялее снег», «Свіслач вясной», «Зелянее», «Родны край», «Разліў», «Ускраіна Мінска», «Салаўінае лета»^[3].

Работы знаходзяцца ў Нацыянальным мастацкім музеі Беларусі, фондах БСМ^[3], прыватных калекцыях.

Зноскі

1. http://www.belartunion.by/naviny/ab-yavy/173-12-zhni-nya-2015-goda-na-95-godze-zhytstsya-pamerla-azgur-galina-ga-ryla-na-syabra-belaruskaga-sayuza-mastako.html
2. Мемориальный музей Заира Азгура. Галина Гавриловна Азгур(недаступная спасылка) (руск.)(недаступная спасылка)
3. Азгур Галіна Гаўрылаўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.