Ганна Андрэеўна Язубчык

Ганна Андрэеўна Язубчык^[1] (1 снежня 1904(1904-12-01), Лядцо, Мінская губерня — 2 снежня 1975(1975-12-02)) — беларуская вучоная ў галіне сельскай мікрабіялогіі. Доктар сельскагаспадарчых навук (1962).

Ганна Андрэеўна Язубчык
Дата нараджэння	1 снежня 1904(1904-12-01)
Месца нараджэння	Лядцо, Навасёлкаўскі сельсавет, Навасёлкаўская воласць, Ігуменскі павет, Мінская губерня, Расійская імперыя
Дата смерці	2 снежня 1975(1975-12-02) (71 год)
Грамадзянства	Беларусь
Род дзейнасці	вучоная
Навуковая сфера	мікрабіялогія
Месца працы	Інстытут біялогіі АН БССР Інстытут глебазнаўства і аграхіміі НАНБ
Навуковая ступень	доктар сельскагаспадарчых навук (1962)
Альма-матар	Беларуская дзяржаўная сельскагаспадарчая акадэмія (1930)
Партыя	КПСС

Біяграфія

Скончыла Беларускую сельскагаспадарчую акадэмію ў 1930 годзе. З 1935 года ў Інстытуце біялагічных навук АН БССР (у 1939—1941 гадах дырэктар).

Удзельніца партызанскага руху ў Беларусі ў часе Другой сусветнай вайны.

У 1944—1945 гадах на пасадзе дырэктара Навукова-даследчага аграглебавага інстытута Акадэміі навук БССР^[2]. З 1945 года загадчыца лабараторыі мікрабіялогіі Інстытута сацыялістычнай сельскай гаспадаркі (з 1956 г. — Беларускі НДІ земляробства). У 1969—1974 гадах у Беларускім НДІ глебазнаўства і аграхіміі.

Навуковыя працы

Аўтар шматлікіх прац па глебавай мікрабіялогіі.

• Мікраарганізмы ў сельскай гаспадарцы. Мн., 1957;
• Полезные микрооорганизмы в сельском хозяйстве, Мн., 1972 (разам з В. М. Чаканавай)

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. История Института почвоведения и агрохимии (руск.)