Ганна Люцыянаўна Лапаціна

Ганна Люцыянаўна Лапаціна (нар. 2 жніўня 1955, в. Гожа, Гродзенскі раён, Гродзенская вобласць) — беларускі ўрач, дэпутат Палаты прадстаўнікоў Нацыянальнага сходу Рэспублікі Беларусь V склікання. Кандыдат медыцынскіх навук.

Ганна Люцыянаўна Лапаціна
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	2 жніўня 1955(1955-08-02) (70 гадоў) Гожа, Гожскі сельсавет, Гродзенскі раён, Гродзенская вобласць, Беларуская ССР, СССР
Адукацыя	ГрДМУ
Навуковая ступень	кандыдат медыцынскіх навук
Узнагароды

У Вікіпедыі ёсць артыкулы пра іншых людзей з прозвішчам Лапаціна.

Біяграфія

Нарадзілася 2 жніўня 1955 года ў вёсцы Гожа Гродзенскага раёна Гродзенскай вобласці.

Скончыла Гродзенскі медыцынскі інстытут.

Працавала ўрачом-тэрапеўтам Калінкавіцкай ЦРБ; урачом-тэрапеўтам участковым установы аховы здароўя «Гомельская гарадская паліклініка № 12»; загадчыкам тэрапеўтычнага аддзялення, намеснікам галоўнага ўрача па медыцынскай частцы, галоўным урачом установы аховы здароўя «Гомельская гарадская паліклініка № 5»; галоўным урачом установы аховы здароўя «Гомельскі абласны клінічны кардыялагічны дыспансер».

З’яўлялася членам Савета Рэспублікі Нацыянальнага сходу Рэспублікі Беларусь чацвёртага склікання, дэпутатам Гомельскага абласнога Савета дэпутатаў дваццаць шостага склікання.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Узнагароды

Узнагароджана медалём «За працоўныя заслугі», нагрудным знакам «Выдатнік аховы здароўя Рэспублікі Беларусь».

Асабістае жыццё

Замужам, мае дачку.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь(недаступная спасылка) (руск.)