Ганна Пятроўна Астравумава-Лебедзева

Ганна Пятроўна Астравумава-Лебедзева (руск.: А́нна Петро́вна Остроу́мова-Ле́бедева; 5 [17] мая 1871, Санкт-Пецярбург — 5 мая 1955, Ленінград) — руская і савецкая мастачка, гравёр, акварэліст, майстар пейзажу, мемуарыстка.

Ганна Пятроўна Астравумава-Лебедзева
Род дзейнасці	мастачка, ілюстратарка, акварэліст, гравёр, фатографка, рысавальнік, графік
Дата нараджэння	5 (17) мая 1871[1][2]
Месца нараджэння	Санкт-Пецярбург, Расійская імперыя[3]
Дата смерці	5 мая 1955(1955-05-05)[3][4][…] (84 гады)
Месца смерці	Ленінград, РСФСР, СССР[3]
Месца пахавання	Ціхвінскія могілкі[d]
Грамадзянства	Расійская імперыя  СССР
Бацька	Pyotr Ivanovich Ostroumov[d]
Маці	Марыя Кліменцеўна Чаховіч[d]
Муж	Сяргей Васілевіч Лебедзеў
Альма-матар	Санкт-Пецярбургская дзяржаўная мастацка-прамысловая акадэмія імя А. Л. Штыгліца Вышэйшае мастацкае вучылішча пры Імператарскай Акадэміі мастацтваў[d] Акадэмія Каларосі[d]
Член у	Саюз мастакоў СССР
Узнагароды і прэміі
Медыяфайлы на Вікісховішчы

Дачка сенатара, тайнага саветніка Пятра Іванавіча Астравумава і яго жонкі Марыі Кліменцьеўна Чаховіч (пам. 1921). У 1889—1892 гадах наведвала Цэнтральнае вучылішчы тэхнічнага малявання барона А. Л. Штыгліца (1889—1892), дзе яе галоўным выкладчыкам быў В. В. Матэ.

1892—1900 — вучылася ў Вышэйшым мастацкім вучылішчы пры Імператарскай Акадэміі мастацтваў у В. В. Матэ, І. Я. Рэпіна, К. А. Савіцкага і П. П. Чысцякова, якое скончыла са званнем мастака па класе гравюры В. В. Матэ, прадставіўшы 14 гравюр на дрэве, у тым ліку каляровых, што з’явілася для таго часу наватарствам у тэхніцы т. зв. высокага друку.

1898—1899 — працавала ў Парыжы ў майстэрні Джэймса Уістлера. З 1899 года актыўна ўдзельнічала ў дзейнасці мастацкай суполкі «Свет мастацтва» і «Чатыры мастацтвы» (з 1924). Удзельнік мастацкіх выставак з 1900 года.

У 1901 годзе стварыла шэраг гравюр для часопіса «Свет мастацтва» (№ 1 за 1902 год). У 1905 годзе выйшла замуж за навукоўца-хіміка С. В. Лебедзева, які ўпершыню сінтэзаваў у прамысловым маштабе штучны каўчук. 1918—1922 — выкладала ў Вышэйшым інстытуце фатаграфіі і фотатэхнікі. 1934—1935 — выкладала ва Усерасійскай акадэміі мастацтваў. У час Вялікай Айчыннай вайны працавала ў блакадным Ленінградзе, стварыла шэраг пранізлівых графічных вобразаў. 1949 — сапраўдны член АМ СССР.

Зноскі

1. abART Праверана 1 красавіка 2021.

   <a href='https://wikidata.org/wiki/Track:Q107456632'></a>
2. Остроумова-Лебедева Анна Петровна // Литераторы Санкт-Петербурга. XX век / под ред. О. В. Богданова

   <a href='https://wikidata.org/wiki/Track:Q124670547'></a><a href='https://wikidata.org/wiki/Track:Q108611244'></a>
3. Остроумова-Лебедева Анна Петровна // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
4. Anna Petrovna Ostroumova-Lebedeva

   <a href='https://wikidata.org/wiki/Track:Q17299517'></a>